Салгыы
До выборов президента РФ
00 дней
:
00 часов
:
00 минут
:
00 секунд
Дьокуускайга «Хотугу сир арията» бэстибээл буолуоҕа

Дьокуускайга «Хотугу сир арията» бэстибээл буолуоҕа

24.10.2023, 14:29
Хаартыска: тыйаатыр пресс-киинэ
Бөлөххө киир:

Сэтинньи 2-12 күннэригэр Д.К.Сивцев-Суорун Омоллоон аатынан Опера уонна балет судаарыстыбаннай тыйаатырыгар  “Хотугу сир арията” опера ускуустубатын бэстибээлэ ыытыллыаҕа.

 

Маннык бэстибээл Саха сирин киин куоратыгар аан бастаан 2003 сыллаахха тэриллибитэ. Бэстибээл аата  көрөөччүлэргэ ыытыллыбыт куоластааһын түмүгүнэн талыллыбыта.

Бэстибээл кэмигэр  Опера уонна балет тыйаатырын уонна Москва, Санкт-Петербург, Екатеринбург, Ростов-на-Дону, Италия артыыстара кыттыылаах чаҕылхай испэктээктэр көрдөрүллүөхтэрэ. Онон Саха сирин көрөөччүлэрэ нуучча уонна омук композитордарын  операларыгар дойду бастыҥ куоластарын, ол иһигэр «Кинээс Игорь», «Севильскай цирюльник», «Кармен”, “Сильва” истиэхтэрэ.

«Хотугу сир арията»  Суорун Омоллоон аатынан Опера уонна балет тыйаатырын сүрүн солистара уонна ыҥырыллыбыт ыалдьыттар кэнсиэртэринэн түмүктэниэҕэ.

Ыалдьыттар уонна  бэстибээл кыттааччыларын ортолоругар Мариинскай тыйаатыр солиһа, Арассыыйа үтүөлээх артыыһа Александр Морозов (Галицкай), Грэмми бириэмийэ лауреата, Арассыыйа уонна аан дойду сыаналарыгар ыллыыр  Олег Диденко (Хан Кончак), дирижер, Арассыыйа улахан тыйаатырдарын кытары бииргэ үлэлиир  итальянец Алессандро Биччи, “На Басманной” Москватааҕы мусукаалынай тыйаатыр сүрүн ырыаһыта Ирина Суханова (Сильва), Москва опереттатын тыйаатырын солиһа Николай Семенов (Эдвин) уо.д.а. бааллар.

Бэстибээл «Якутскэнерго» ПАУо, «Арктик Капитал» ХЭУо, «Комдрагметалл РС (Я)», «Парус» гостиница, «Браво» дьоҕус гостиница, «СӨ Эргиэн-бырамыысыланнай балаатата” «Саха сирин тутааччыларын сойууһун” ассоциациятын,  “СӨ аҕаларын лигата” уопсастыбаннай тэрилтэ, «Авиа Флайт» ХЭУо өйөбүллэринэн ыытыллар.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
4 марта
  • -19°C
  • Ощущается: -19°Влажность: 70% Скорость ветра: 1 м/с

Сообщить об опечатке

Текст, который будет отправлен нашим редакторам: