Дьокуускай куоракка бүгүҥҥүттэн, сэтинньи 28 күнүттэн, IV Хотугу сир туруктаах сайдыытын пуорума саҕаланна.
Быйылгы пуорум сүрүн тиэмэтэ – «Арктика энергията: саҥа ыҥырыы, саҥа быһаарыылар уонна технологиялар» («Энергия Арктики: новые вызовы – новые решения и технологии»). Түөрт күннээх тэрээһин биэс тиэмэнэн араарыллан үлэлиэ. Пуорум үлэтигэр дойду министиэристибэлэрин, биэдэмистибэлэрин, наукаларын, үөрэхтээһинин, култууратын тэрилтэлэрин бэрэстэбиитэллэрэ, биллэр уопсастыбаннай диэйэтэллэр, блогердар кыттыахтара. Ол иһигэр Ил Дархан Айсен Николаев, Ямало-Ненецкэй автономнай уокурук губернатора Дмитрий Артюхов, Ханты-Мансийскай автономнай уокурук – Югра губернатора Наталья Комарова, Арассыыйа МИД-н посола Николай Корчунов, «Российскай энергетическэй агентствотын» генеральнай дириэктэрэ Алексей Кулапин, Сир баайын федеральнай ааҕыныстыбатын салайааччыта Евгений Петров, Култуура көҕүлээһинин пуондатын генеральнай дириэктэрэ Роман Карманов, ГЛОНАСС кылаабынай конструктора Михаил Кораблев, блогер Богдан Булычев о.д.а. бааллар.
Пуорум – Хоту сир уонна Артика инники туруктаах сайдыытын уонна кыһалҕатын дьүүллэһэр сыл аайы ыытыллар аан дойдутааҕы былаһаакка буолар.
Бүгүҥҥү күҥҥэ Хотугу сир уонна Арктика эрэгийиэннэрин бигэтик сайыннарыы кэнсиэпсийэтэ сүдү суолталаах, ону быһаарарга аан дойдутааҕы бииргэ үлэлээһин төһүү буолуо. Биир өттүнэн, Артика сирин-уотун балысханнык баһылааһын кэскиллээҕэ биллэр, оттон биир өттүнэн ыллахха, уйан айылҕалаах, экосистиэмэлээх хоту сир уларыйыыта аан дойду үрдүнэн дьон олоҕор сабыдыаллыан сөп. Дьэ, ол туһунан аан дойду эспиэртэрэ Хотугу пуорумҥа дьүүллэһиэхтэрэ, кэскиллээх толкуйу тобулуохтара.
2024 сылга Саха сиригэр «Безопасные качественные дороги» бырагырааманан алта муостаны туттулар. Бу туһунан массыына суолун…
Бит-билгэ туһунан төһө билэҕин? Киэһэ хойут дьиэҕит муостатын сууйар буоллаххытына, этэҥҥэ сылдьыыгытын, үтүө туруккутун сууйаҕыт.…
2025 сылга Өрөспүүбүлүкэтээҕи офтальмологическай балыыһа тэриллибитэ 100 сылын туолар. Бу бэлиэ күнү көрсө, ахсынньы 11…
Соторутааҕыта Дьокуускайга муусука учууталларын “Музыкальнай палитра” 1-кы аһаҕас идэтийбит куонкурустара буолан ааста. Куонкурус уһулуччулаах муусука…
Билим чинчийиитинэн дьарыктанар үөрэнээччилэр уонна устудьуоннар дакылааттарын бүгүн, Саха сирин уһулуччулаах бэлитиичэскэй диэйэтэлэ Егор Борисов…
Украинаны НАТОҕа ылалларын этинэллэр эрээри, Трамп дьоно ылымматтар быһылаах.