Хаартыска: Мария Васильева,СИА
Алтынньы 18 күнүгэр Саха сиригэр Ийэ күнүн көрсө уонна Арассыыйаҕа Дьиэ кэргэн сылыгар Бэчээт дьиэтигэр социальнай суолталаах «Ийэҕэ сибэкки дьөрбөтө» маастар-кылаас тэрээһинэ буолла.
Тэрийээччинэн «РИИХ Сахамедиа» АУо буолла. Кыттааччылар күндү дьонноругар дьолу-соргуну, доруобуйаны уонна уйгу-быйаҥы баҕарар истиҥ тыллардаах кумааҕынан нарын-намчы сибэкки дьөрбөтүн хомуйдулар. Тэрээһин сыала — дьиэ кэргэн сыаннастарын киэҥ араҥаҕа тарҕатыы.
Маастар-кылаастар икки түһүмэҕинэн буолан ааста. Онно барыта төрөппүттэри уонна оҕолору киллэрэн туран 68 киһи, ону таһынан мөлтөхтүк истэр оҕолорго аналлаах өрөспүүбүлүкэтээҕи анал (коррекционнай) оскуола биэс үөрэнээччилэрэ кытыннылар. Тэрээһини 27 ыстаастаах уопуттаах флорист Лена Бочковская ыытта.
«Манн барыта ураты бэлиэлэрдээх уонна суолталаах. Хризантемалар муудараһы уонна уһун үйэни бэлиэтииллэр. Роза — таптал уонна билинии. Диантус — флористикаҕа таптал сибэккитэ. Ити курдук, бары баҕа санаалар биир букет сибэккигэ хомуллар. Бу сибэкиилэри биһиги ийэлэрбитигэр туттарабыт», — диэн флорист кистэлэҥ сибэкки тылларын быһаарда. Тэрийээччилэр бу үөрүүлээх түгэни ыытарга өйөөбүт бары кыттааччыларга уонна партнердарга истиҥ махталларын биллэрэллэр. Маннык дьоһуннаах уопут дьиэ кэргэн сыаннастарын өйүүргэ уонна сайыннарыыга туһуламмыт көҕүлээһиннэргэ тирэх буолуоҕа диэн эрэнэбит.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…