Дьокуускайга ийэлээх оҕону өлөрдүлэр

Дьокуускайга 202 түөлбэҕэ баар кыбартыыраҕа бэҕэһээ, алтынньы 3 күнүгэр 40 саастаах дьахтары  уонна 11 саастаах уолун өлөрдүлэр.

Бу туһунан СӨ Силиэстийэлиир кэмитиэтэ иһитиннэрдэ. Быһылаан тахсыбыт сиригэр Силиэстийэлиир кэмитиэт үлэһиттэрэ уонна ИДьМ суһал подразделениетын үлэһиттэрэ тиийбиттэр.

Быһылаан тахсыбыт сирин көрүү түмүгүнэн, оҥоһуллубут ыар буруйга сыһыаннаах биридимиэттэр ылыллыбыттар. Быһылааҥҥа уорбаланааччыны кытта силиэдэбэтэллэр үлэлииллэр. Холуобунай дьыала тэриллибит. Бу дьыала Силиэстийэлиир управление салалтатын хонтуруолугар сылдьар.