Хаартыска: Саха сиринээҕи Силиэстийэлиир кэмитиэтин пресс-сулууспата
Дьокуускайга баһаары умуруоруу кэнниттэн икки киһи өлүгэ булуллубут чахчытынан холуобунай дьыала тэрилиннэ.
Силиэстийэ быһаарыытынан, тохсунньу 28 күнүгэр Дьокуускай куоракка Рихард Зорге уулуссаҕа икки этээстээх дьиэни умуруорбуттарын кэннэ икки киһи өлүгэ булуллубута. ИДьМ сулууспатын буруйу оҥорууну арыйыыга силиэстийэлиир уорганнара ыыппыт үлэлэрин уонна бэрэбиэркэтин кэннэ, ити баһаарга өлбүт дьону өлөрбүттэрэ быһаарыллыбыта. Бу туһунан Саха сиринээҕи Силиэстийэлиир кэмитиэтин пресс-сулууспата иһитиннэрэр.
Бу чахчынан Саха сиринээҕи Силиэстийэлиир кэмитиэтин управлениетын отдела икки киһини өлөрүү чахчытынан холуобунай дьыаланы тэрийдэ. Холуобунай дьыала матырыйаалларынан, хас да төгүл сууттана сылдьыбыт 58 саастаах эр киһи арыгы иһэн баран, иирсээн кэмигэр, эр киһини уонна дьахтары хас да төгүл быһаҕынан анньыбыт. Түмүгэр дьахтар уонна эр киһи суорума суолламмыттар. Ол кэнниттэн буруйдаах кыбартыыраны уоттаабыт. Тохсунньу 31 күнүгэр буруйданааччыны силиэдэбэтэл этиитинэн хаайдылар. Холуобунай дьыаланан силиэстийэлиир үлэлэр ыытыллаллар.
Арассыыйа билимин күнүн чэрчитинэн Ааҕыы киинэ педагогика билимин хандьыдаата, ыччат бэлиитикэтин туйгуна, ХИФУ педагогикаҕа институтун…
Бэрдьигэстээх сэлиэнньэтигэр бырабыыталыстыба отчуотугар сүрүннээн оскуола, уһуйаан тутуутун туруорустулар. Бастаан Өрт орто оскуолатын 5-с кылааһын…
Политолог Чокуур Гаврильев "болдьоҕо ааспыт" Зеленскэй эйэ дуогабарыгар илии баттыырын биһиги тоҕо билиммэппитин ырытар.
Күн-дьыл эмискэ сылыйара-тымныйара дьоҥҥо тоҕо куһаҕаннык дьайарый? Доруобай дьоҥҥо хайдах да дьайбат, көннөрү таһырдьа сылыйда, тымныйда…
«Толстопятый» диэн норуоттар икки ардыларынааҕы куонкуруска Пензаҕа "Муус устар" ыччат бэстибээлин бастыҥ асчыта Петр Аммосов…
Сахалар холорук туһунан үгүстүк истэллэр. "Холорук түстэ", "холорук курдук", "холорук ытыйбытын курдук" диэн кэпсэтэр тылларыгар…