Дьокуускайга элбэх кыбартыыралаах дьиэ умайда, икки киһи өлбүт

Бөлүүн, балаҕан ыйын 6 күнүгэр, Дьокуускайга Хабаров аатынан уулуссаҕа икки этээстээх дьиэ умайда.

Баһаарга үс киһи эчэйбит, олортон иккитэ суорума суолламмыт. Бу туһунан Саха сиринээҕи  ЫБММ пресс-сулууспата иһитиннэрэр. Баһаарга дьиэ иккис подъеһа умайбыт уонна 200 квадратнай миэтэрэ иэнэ уокка былдьаммыт.

«Миэстэтигэр баһаар төрүөтүн олохтуурга ЫБММ дознавателэ үлэлиир. Иһитиннэрии чуолкайданар», — диэн ЫБММ иһитиннэриитигэр ыйыллыбыт. Баһаары умуорууга 54 киһи  уонна 10 тиэхиньикэ үлэлээбит.