Дьокуускайга икки киһини массыына түҥнэри көттө

Бүгүн, от ыйын 5 күнүгэр, түүн 2 чаас саҕана Лермонтов уонна Киров уулуссаларын быһа охсуһуутугар, «Тойота Виш» массыына 48 саастаах суоппара Киров уулуссатыгар уҥа диэки эргийэн иһэн, суол быһа охсуһуутугар уулуссанны туораан иһэр 33 уонна 18 саастаах икки киһини түҥнэри көппүт. Бу туһунан Дьокуускай куораттааҕы ГИБДД иһитиннэрэр.

Быһылаан тахсыбыт сиригэр кэлбит суһал көмө биригээдэтэ эмсэҕэлээбит дьону балыыһаҕа илпиттэр. Эмсэҕэлээбит дьон араас эт-хаан эчэйиитин ылбыттар, биир киһи уҥуоҕа тостубута билиннэ.

Бу быһылаан тахсыбытынан силиэстийэ бара турар.

Хас биирдии суоппар ханнык баҕарар быһа охсуһууга эбии болҕомтону уурары уонна суол быраабылатын кытаанахтык тутуһууну эрэйэр.

Оттон сатыы дьон суолу туоруохтарын иннинэ балаһыанньаны сыаналыахтаахтар, массыыналар бары тохтообуттарын кэннэ ааһыахтаахтар.

Суолларга бэйэ-бэйэҕитигэр сиэрдээх буолуҥ!

https://t.me/gibdd14