Дьокуускайга икки киһини массыынанан түҥнэри көппүттэр

Бу күннэргэ Дьокуускайга икки киһини массыынанан түҥнэри көппүт суол быһылааннара тахсыбыта билиннэ.

Бастакы күн, алтынньы 10 күнүгэр, сарсыарда Пушкин аатынан уулусса 28 №-дээх дьиэтин тиэргэнигэр 47 саастаах «Toyota Dyna» массыына суоппара 50 саастаах  эр киһини түҥнэри көппүт. Суһал мэдиссиинэ көмө биригээдэтэ эр киһини балыыһаҕа аҕалан, дьиэттэн сылдьан амбулаторнай эмтэниини анаабыттар.

Бэҕэһээ, алтынньы 11 күнүгэр, киэһэ 18 чаас саҕана Курашов аатынан уулусса 27/2 №- дээх дьиэтин таһыгар 61 саастаах «NissanDualis» массыына суоппара сатыы сылдьар 62 саастаах дьахтары түҥнэри көппүт. Дьахтары уҥуох тостулаах балыыһаҕа киллэрбиттэр.