Хаартыска: СИА
Дьокуускай полициятын отделын дьуһуурунай чааһыгар киин куорат Михаил Николаев аатынан проспегар турар элбэх кыбартыыралаах олорор дьиэ подъеһыгар ыаллыы олорор дьоҥҥо араас эчэйиини ылбыт кыыс тоҥсуйар диэн биллэрии киирбит.
Полиция быһаарбытынан, икки саастарын ситэ илик кыыс оҕолорун паачка табаҕы булбакка ийэлэрэ быһаҕынан эчэппит. Бу туһунан Саха сиринээҕи ИДьМ пресс-сулууспата иһитиннэрэр.
Үс оҕолоох 33 саастаах дьахтар 10 уонна 12 саастаах кыргыттарыгар паачка табаҕы миэстэтигэр булбакка оҕолоругар саба түспүтэ быһаарылынна. Бастаан утаа дьахтар оҕолору кырбаабыт, оттон быһаҕынан охсон бааһырдыбыт. Ханнык эрэ түгэҥҥэ 10 саастаах кыыс подъезка сүүрэн тахсыбыт уонна ыаллыы олорор дьоҥҥо тыллаабыт. 12 саастаах кыыска кэтэҕэ быһаҕынан хайа сотуллубутун диагностаабыттар. Кыракый кыыс тарбахтара бааһырбыт. Ону таһынан кыргыттарга эмиэ атын араас эчэйиини ылбыттарын быһаарбыттар.
Эмсэҕэлээбит кыргыттары социальнай-реабилитационнай кииҥҥэ, онтон үс саастаах уол оҕону Өрөспүүбүлүкэтээҕи дьиэ кэргэҥҥэ көмөлөһөр кииҥҥэ киллэрбиттэр. Оҕолор ийэлэрин полиция отделыгар хаайбыттар. Дьахтар арыгы испэтэҕэ билиннэ. Холуобунай дьыала тэрилиннэ. Холуобунай дьыала Саха сиринээҕи Силиэстийэлиир кэмитиэккэ бэрилиннэ.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…