Хаартыска: Ил Дархан, бырабыыталыстыба дьаһалтатын пресс-сулууспата.
Муус устар 6 күнүгэр Дьокуускайга “ДСК” түөлбэҕэ 990 миэстэлээх оскуола сыбаайата түстэ.
Бырабыыталыстыба бэрэссэдээтэлин солбуйааччы Кирилл Бычков бу Дьокуускайга иккис саамай улахан оскуола буолар. Бу иннинэ “Прометей” түөлбэҕэ 990 миэстэлээх оскуола тутуллубута.
— Ил Дархан сорудаҕынан, 2023 сылга үөрэҕирии эйгэтигэр муҥутуур элбэх эбийиэк – 20 оскуола уонна 6 уһуйаан тутуллуоҕа. Бу саҥа оскуола муҥутуур кылгас болдьоххо – 2024 сыл бүтүүтэ тутуллан киириэҕэ. Тутааччылар кыраапыктан хаалбакка, таһаарыылаахтык үлэлиэхтэрэ диэн эрэллээхпин, — диэн кини эттэ.
Саҥа оскуола иэнэ – 14 тыһыынча кв.м. Манна аныгы ирдэбилгэ эппиэттиир бары усулуобуйа баар буолуоҕа. Үөрэх кыһата “Үөрэҕирии” национальнай бырайыак, «Развитие образования Республики Саха (Якутия) на 2020-2024 годы и на плановый период до 2026 года» судаарыстыбаннай бырагыраама уонна концессионнай сөбүлэһии чэрчитинэн тутуллар. Сакаасчыттар — «ПроШкола» ХЭТ уонна экэниэмикэ министиэристибэтэ. Генеральнай бэдэрээтчит — «ИФК «РФА-Инвест».
Саха сирэ атын эрэгийиэннэртэн бастакынан федеральнай бырайыак иккис түһүмэҕин түмүгүнэн «ВЭБ.РФ» судаарыстыбаннай корпорация кыттыылаах концессионнай сөбүлэһиилэри түһэрсибитэ. Бу арыт бырайыак буолар, аан бастаан федеральнай бүддьүөттэн кыттыгас үбүлээһини эрэйэр. Судаарыстыба маннык көмөтө эрэгийиэннэр бүддьүөттэриттэн ноҕуруусканы аҕыйатар уонна үөрэх миэстэтин таһаарар.
Кэнники биэс сылга өрөспүүбүлүкэҕэ 36 оскуола уонна 66 уһуйаан тутулунна. Тыа сиригэр да, куоракка да буоллун, бу эбийиэктэр бары аныгылыы технологиялаахтар: интерактивнай кылаастар, киэҥ-куоҥ спортивнай саалалар, аактабай саалалар, мастарыскыайдар, лабораториялар, оҕону сайыннарар уонна инклюзивнай эйгэлэр, о.д.а. бааллар.
Ил Дархан, бырабыыталыстыба дьаһалтатын пресс-сулууспата.
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…