Хаартыскаҕа ааптар түһэриилэрэ
Бүгүн, олунньу 15 күнүгэр, Дьокуускай куоракка Ийэ дойду иннигэр ытык иэстэрин көмүскээбит буойуттар күннэригэр, төрөөбүт дойдуларын туһугар олохторун толук уурбут дьоруойдары кэриэстээн, байыаннай дьайыы кыттыылаахтарыгар анаммыт пааматынньыкка сибэкки дьөрбөтүн уурдулар.
Долгутуулаах тэрээһиҥҥэ «Афганистан бэтэрээннэрин Арассыыйатааҕы сойуустарын», Саха сиринээҕи салаатын бэрэссэдээтэлэ, Афганистан сэриитин кыттыылааҕа Валерий Лютай, ДОСААФ Саха сиринээҕи салаатын бэрэссэдээтэлэ Константин Копылов, «СӨ доброволецтарын бэтэрээннэрин сойууһа — анал байыаннай дьайыы оркестра» тэрилтэ бэрэссэтээлэ Георгий Малышев, интернационалист-буойуттар, бойобуой дьайыылар бэтэрээннэрэ, уопсастыбаннас бэрэстэбиитэллэрэ кытыннылар.
«Ханнык баҕарар сэрии — хомолто, харах уута, дьон өлүүтэ. Бу күн 35 сыл анараа өттүгэр биир сэрии бүппүтэ. Бүгүн ытык иэстэрин төлүү сылдьан өлбүт биһиги байыастарбытын ахтан-санаан, кэриэстээн ааһыахха уонна билигин анал байыаннай дьайыыга сылдьар байыастарбытыгар кыайыы көтөллөөх төннөн кэлэллэригэр баҕарыаххайыҥ!» — диэтэ Валерий Лютай.
ДОСААФ Саха сиринээҕи салаатын бэрэссэдээтэлэ Константин Копылов: «Афганистаҥҥа, Кавказка ытык иэстэрин толорбут буойуттар биһиэхэ хорсун быһыы холобура буолаллар уонна дойдуга тапталы көрдөрөллөр!” — диэн эттэ.
Оттон «СӨ доброволецтарын бэтэрээннэрин сойууһа — анал байыаннай дьайыы оркестра» тэрилтэ бэрэссэдээтэлэ Георгий Малышев билиҥҥи көлүөнэ бэтэрээннэри ытыктыырын, социальнай улахан дьыаланы толорбуттарын эттэ: «Уолаттар Афганистаҥҥа олус улахан соругу толорбуттара. Анарааттан наркотик киирэр сүрүн суолун саппыттара. Кинилэр онтон кыайан-хотон төннүбүттэрэ».
Санатан эттэххэ, 1989 с. олунньу 15 күнүгэр Афганистантан Сэбиэскэй Сойуус сэбилэниилээх күүстэрэ бүтүннүү тахсыбыттара. Афганистан сэриитигэр Саха сириттэн 874 саллаат кыттыбыта.
Арассыыйаттан 1,5 мөлүйүөн киһи 30-н тахса сэбилэниилээх утарыта киирсиигэ кыттыбыта. 25 тыһыынча киһи аан дойдуга эйэлээх олох иһин олохторун толук уурбуттара.
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…
Бу күннэргэ социальнай ситимнэринэн бааннар кирэдьиит биэрэллэригэр кирэдьиит устуоруйатын учуоттаабат буоллулар диэн сымыйа сурах тарҕанна.…