Хаартыска: ИДьМ пресс-сулууспата
Кулун тутар 27-28 күннэригэр Саха сиринээҕи ИДьМ успуорт комплексыгар ИДьМ бэтэрээннэрин уонна Ис дьыала уорганнарын биэнсийэлээхтэрин ортолоругар бастакы спартакиада буолан ааста. Күрэхтэһии Аҕа дойду Улуу сэриитигэр Кыайыы 80 сылыгар ананна.
Спартакиада 1960-с сыллартан үтүө үгэскэ кубулуйан ыытыллар. Оттон 1980 сылтан Бүлүү уонна Өлүөнэ өрүс уҥуоргу бөлөх бастакы зональнай спартакиадалара буолбуттара.
Тэрийээччилэр санааларынан, тэрээһин үгэскэ кубулуйбут тэрээһини хаттаан сөргүтүөҕэ уонна Ис дьыала уорганнарын биэнсийэлээхтэрин түмүөҕэ, ону тэҥэ полиция үлэһиттэригэр холобур буолуоҕа.
Күрэхтэһиигэ Нам, Мэҥэ Хаҥалас, Амма, Чурапчы, Уус Алдан, Таатта, Хаҥалас, Горнай оройуоннарыттан 8 хамаанда кытынна.
Бастакы күн спартакиада аһыллыытын сиэригэр-туомугар миниистири солбуйааччы, спартакиада тэрийэр кэмитиэтин бэрэссэдээтэлэ Юрий Выродов кытынна. Икки күн устата бэтэрээннэр уонна Ис дьыала уорганнарын биэнсийэлээхтэрэ 8 успуорт көрүҥэр кииристилэр: саахымакка, дартска, бильярдка, остуол тенниһигэр, дуобакка, эстафетаҕа уонна мас тардыһыытыгар. Саамай интэриэһинэйдик, дьон санаатын тарпыт ханаат тардыһыыта буолла.
Күрэхтэһии түмүгүнэн спартакиада кыайыылааҕынан Нам оройуонун Ис дьыала уорганнарын бэтэрээннэрин уонна биэнсийэлээхтэрин хамаандата буолла. Иккис миэстэни Мэҥэ Хаҥалас хамаандата ылла, оттон үһүс миэстэни — Таатта оройуонун хамаандата ылла.
Бары хамаандалар дипломунан, мэтээллэринэн, куубактарынан уонна сыаналаах бириистэринэн наҕараадаланнылар, диэн ИДьМ пресс-сулууспата иһитиннэрэр.
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Улуустарга байыастар дьиэлэрин киин ититэр ситимҥэ холбооһун үлэтэ салҕанар. 2025 сылга 45 дьиэни холбуур былааннаахтар.…
Бүгүн, муус устар 1 күнүгэр, Көр-күлүү, дьээбэ күнүнэн сибээстээн, саха киинэтин режиссердара СӨ үтүөлээх артыыһа…
Бэрэсидьиэн Владимир Путин муус устар 1 күнүттэн от ыйын 15 күнүгэр диэри байыаннай сулууспаҕа сааскы…
Күн бүгүн "Манчаары оонньууларын" финальнай чааһыгар 774 путевка оонньонно. Остуол оонньууларыгар, хотугу многоборьеҕа, национальнай многоборьеҕа,…
Бүгүн “Кыайыыны истиэххэ” аахсыйа көмөтүнэн Арассыыйа хайа баҕарар олохтооҕо номоххо киирбит, аҥардас куолаһыттан этиҥ сааһа…