Хаартыска: sakha.gov.ru
Ил Дархан Айсен Николаев архитектордар, тутааччылар уонна уопсастыбанньыктар Дьокуускайдааҕы Троицкай кафедральнай собор дьиэтин, Дьокуускайдааҕы реальнай училище, Дьокуускай куораттааҕы эр дьон прогимназияларын, Шергин шахтатын чөлүгэр түһэрии уонна «Якутск деревянный. Залог» историческай зонаны тэрийии туһунан былааннарын истэн баран, араас экспэртиисэлэри ыытыыны түргэтэтэргэ уонна историческай эбийиэктэри чөлүгэр түһэрии былаанын бигэргэтиигэ киллэрэргэ сорудахтаата.
«Якутск деревянный. Залог» бырайыак туһунан этиигэ, Ил Дархан туһааннаах оройуоҥҥа маастар-былаан суоҕун бэлиэтээтэ.
«Кылгас кэм иһигэр маастар-былаан оҥоһуллуохтаах. Архитектордар тутааччылартан инники буолуохтаахтар», – диэтэ Айсен Николаев.
Айсен Николаев былыргы тутуулар ураты кэрэ көстүүлээхтэрин бэлиэтээн эттэ. Сүбэ мунньахха архиепископ Владыка Роман, СӨ Култуура уонна устуоруйа өйдөбүнньүктэрин харыстыыр департамент салайааччыта Николай Макаров, тутуу миниистирэ Павел Кылатчанов, экономика миниистирэ Майя Данилова, Дьокуускай куорат дьаһалтатын баһылыгын бастакы солбуйааччыта Георгий Гаврильев уонна да атыттар кыттыыны ыллылар.
Архитектура историческай суолталаах пааматынньыктары чөлүгэр түһэрии үлэтэ Саха сирэ Арассыыйа судаарыстыбатын састаабыгар киирбитэ 400 сылын туолуутугар бэлэмнэнии тэрээһиннэрин чэрчилэринэн ыытыллар.
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…
Ааспыт сууккаҕа Саха сиригэр 11 буруйу оҥоруу бэлиэтэммитин туһунан СӨ Борокуратуурата иһитиннэрэр. 1986 с.т. эр…
Соторутатааҕыта социальнай ситимнэринэн икки этээстээх үүтээн видеота тарҕаммыта. Бултуу кэлбит эр киһи сөҕөн, "лүүстүрэлээх, бильярдтаах,…
Томпо улууһун Хаандыгатыгар киин уулусса устун куобах ойуоккалаабыт. Олохтоохтор түбэһэ көрөн видеоҕа устубуттарын, «Томпонский вестник»…