Дьокуускайга итирик эр киһи куоска оҕотун өлөрбүт уонна түннүгүнэн бырахпыт

Борокуратуура иһитиннэрэринэн, Дьокуускай куорат 48 саастаах олохтооҕо эр киһи кыылга хаҕыс сыһыанын иһин сууттаныаҕа.

Кини итирик туруктаах сылдьан куоска оҕотун төбөтүнэн муостаҕа саайбыт. Кыыл ол эчэйиититтэн тыына быстыбыт. Ол кэнниттэн эр киһи куоска өлүгүн иккис этээс түннүгүттэн бырахпыт.

Эр киһи утары холуобунай дьыаланы тэрийэн, суукка ыыппыттар.