Дьокуускайга итирик эр киһи полицейскайга утарыласта

Дьокуускай полициятын тирэх пуунугар полицейскайы утарыласпыт итирик эр киһини аҕаллылар.

Быһылаан  Дьокуускай куорат Кузьмин уулуссатыгар турар биир дьиэ подъеһын иннигэр таҕыста. Бу туһунан Саха сиринээҕи ИДьМ пресс-сулууспата иһитиннэрэр.

3 №-дээх полиция учаастактааҕы боломуочунайа эр киһи дьиэтигэр ойоҕун кытта айдаарсан ыҥырбыттарын түмүгэр тиийбитэ биллэр. Олохтоох дьахтары итирик киһи кыра оҕолоро көрөн турдахтарына кырбаабыт. Полиция эт-хаан алдьаныытын төрүөтүн туһунан кэргэнин сайабылыанньатынан бэрэбиэркэ ыытар.

Ону тэҥэ, итирик эр киһи РФ Холуобунай Кодексатын 318-с ыст. былаас бэрэстэбиитэлигэр утарыласпыт бэлиэлэрэ көрүллэллэр. Хомуллубут матырыйааллар  быһаарыы ылынарга силиэстийэлиир уоргаҥҥа ыытылынна диэн ИДьМ пресс-сулууспата чуолкайдыыр.