Дьокуускайга итирик суоппар оҕо күүтэр дьахтар өлүүтүгэр уорбаланар

Дьокуускай куорат  борокуратуурата оҕо күүтэр дьахтар өлүүлээх суол быһылаанын чахчытынан холуобунай дьыала тэриллиитин сокуоннайынан билиннэ.

Дьыала СӨ Борокуратууратын хонтуруолугар турар. Силиэстийэ дааннайынан, суол саахала алтынньы 3 күнүгэр киэһэ 23 чаас саҕана Дьокуускайга Ленин проспегын уонна Хабаров уулуссатын быһа охсуһуутугар тахсыбыт. «Nissan Skyline» массыына суоппара арыгы иһэн баран, итирик туруктаах уонна тырааныспары ыытар бырааба суох сылдьан, «Toyota Ractis» массыынаны кытта харсыспыт, ол кэннэ быһылаан буолбут сириттэн куоппут.

Суол быһылаанын түмүгэр 1992 сыллааҕы төрүөх оҕо күүтэр дьахтар эчэйбит. Быраастар төһө да быыһыы сатаабыттарын үрдүнэн, дьахтар хас да хонон баран балыыһаҕа ылбыт эчэйиилэриттэн тыына быстыбыт. Бастаан холуобунай дьыала РФ ХК 264-с ыстатыйатын 1-гы чааһынан тэриллибит эбит буоллаҕына, билигин РФ ХК 264-с ыстатыйатын 4-с чааһын «а», «б», «в» пууннарыгар көһөрүлүннэ (суол быаабылатын кэһии, сэрэҕэ суохтан киһи өлүүтүгэр тиэрдибит, итирик туруктаах уонна тырааныспары салайар бырааба суох киһинэн оҥоһуллубут, ону таһынан быһылаан буолбут сириттэн куотууну кытта сибээстээх). Буруйу оҥорууга уорбаланааччы тутулунна. Силиэстийэ тустаах тэрээһиннэри ыытар. Силиэстийэ хаамыыта Дьокуускай куорат борокуратууратын хонтуруолугар турар.