Дьокуускайга итирик суоппар үс киһини эчэттэ

Бэҕэһээ, ыам ыйын 28 күнүгэр, Дьокуускайга Лермонтов уонна Октябрьскай уулуссалар быһа охсуһууларыгар үс массыына харсыста. Суол быһылааныгар үс киһи эчэйдэ, ол иһигэр биэс саастаах оҕо. Бу туһунан киин куорат Госавтоинспекцията иһитиннэрэр.

Быһаарыллыбытынан, Toyota Corolla массыынаны ыытан испит 29 саастаах суоппар суол утары балаһатыгар тахсан,  Toyota Venza уонна Toyota Camry массыыналарга кэлэн түспүт. Саахалы таһаарбыт суоппар арыгы иһэн баран уруулга олорбута биллибит. Ону ааһан суоппар массыына ыытар бырааба суох эбит. Кини утары балаһаҕа тахсыбытын, сатыы дьоҥҥо баран түһүмээри диэн быһаарбыт.