Хаартыска: PxHere
Муус устар 20 күнүгэр күнүс 15:00 чаас саҕана 54 саастаах суоппар «Toyota Voltz» массыынанан габаритын учуоттаабакка, тохтобулга турар «Toyota Land Cruiser» массыынаны кытта харсыспыт.
Быһылаан буолбут сиригэр кэлбит ДПС үлэһиттэрэ итирик туруктаах суоппары туппуттар. Сууоппарга административнай дьыала тэрилиннэ. Бу туһунан Саха сиринээҕи ГИБДД пресс-сулууспата суруйар.
Муус устар 21 күнүгэр түүн 00: 30 Бестужева-Марлинского аатынан уулуссаҕа «Toyota Crown» массыына суоппара тохтобулга турар «Toyota Premio» массыынаны таарыйбыт. Суоппар итирик туруктаах сылдьара сибикилэммит даҕаны, суоппар бэрэбиэркэлээһинтэн аккаастаммыт. Суоппарга административнай дьыала тэрилиннэ.
Түүн Михаил Николаев аатынан проспегын 35 №-дээх дьиэтин таһыгар «Toyota Voxy» 31 саастаах суоппара Красильников уулуссатын диэки айаннаан иһэн утары суолга тахсан? «Toyota Caldina» массыынаны кытары харсыспыт. Ол күн суоппар итирик туруктааҕа буолара быһаарыллыбыт.
Салгыы ити күн сарсыарда Широких Полянских аатынан уулусса 95 №-дээх дьиэтин таһыгар 22 саастаах кыыс «Mazda Demio» массыына ыыта сылдьан, хонтуруолун сүтэрэн, бетон билиитэтигэр тиийэн сааллыбыт уонна түҥнэстибит. Ол түмүгэр инники олорор пассажир эчэйбит. Пассажир курун бааммакка олорбута быһаарыллыбыт. Суоппар кыыска административнай дьыала тэрилиннэ
Муус устар 21 күнүгэр киэһэ Хатыҥ-Үрэх шоссе 9 км «Toyota Vitz» уонна «Toyota Corolla Axio» массыыналар харсыспыттар. «Toyota Vitz» суоппара итирик туруктаах буолара быһаарыллыбыт. Административнай дьыала тэрилиннэ. Бу чахчыларынан бэрэбиэркэ ыытыллар.
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…
Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар…
Субуотаттан, от ыйын 12 күнүттэн саҕалаан, Саха сиригэр нэдиэлэ устата магнитнай буурҕа саҕаланыа. Мөлтөөһүн аныгыскы…
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…