Дьокуускайга аэропуорт оройуонугар ититэр ситим трассатыгар тахсыбыт алдьаныыны бүгүн туоратыахтара. Өрөмүөн хайдах тэриллибитин манна ааҕыҥ:
Бүгүн, сэтинньи 14 күнүгэр, 8:30 чааска Дьокуускайдааҕы ТЭЦ магистральнай утаҕар ититэр ситим трассатыгар алдьаныы таҕыста. Чөлүгэр түһэриини үлэ күнэ бүтүүтэ түмүктүөхтэрэ. Оннук соругу бастакы вице-премьер Дмитрий Садовников ыксаллаах балаһыанньалары сэрэтиигэ, туоратыыга уонна баһаартан куттал суох буолуутун хааччыйыыга өрөспүүбүлүкэ хамыыһыйатын мунньаҕар туруорда.
ОДьКХ уонна энергетика миниистирэ Вячеслав Емельянов иһитиннэрбитинэн, Ураһа Молл эргиэн комплексын утары Кыайыы пааркатын оройуонугар ититэр ситим трассата тирэҕиттэн түһүүтэ таҕыста.
“Бу үлэҕэ 20 киһи уонна 5 тиэхиньикэ кыттар, өссө Дьокуускайдааҕы уот өрөмүөнүн хампаанньатын 20 үлэһитэ саахалы туоратыыга үлэлииргэ бэлэмнэр. Ититэр ситимтэн ууну сүөкээбиттэрэ. Тимири иһэрдэр үлэ ыытылынна. Онтон ититэр ситими кыраанынан көтөхтөрүөхтэрэ, онон 18.00 чааска ууну толорон, сылааһы биэриэхпит”, — диэтэ биэдэмистибэ баһылыга.
Дьиҥэ, сылааһынан хааччыйыы толору хааччахтамматаҕа, температурата намтаабыта. 288 туһанааччы – 131 элбэх кыбартыыралаах дьиэ, 6 кэтэх ыал дьиэтэ, социальнай эбийиэктэр саахал тахсыбыт оройуонугар бааллар.
Онон тустаах бэрэбиэркэ ыытыллыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Мария Васильева түһэриитэ, ЯСИА
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…