Сэтинньи 11 уонна 12 күннэригэр Дьокуускайга А.Е. Кулаковскай аатынан Норуоттар доҕордоһууларын дьиэтигэр IV Өрөспүүбүлүкэтээҕи Этномедиапуорум ыытыллыаҕа. Пуорум суруналыыстары, оскуола уонна устудьуон медиа-кииннэрин бэрэстэбиитэллэрин түмүөҕэ. Бу тэрээһин этнокултуура тиэмэтигэр анаммыт медиа-бырайыактар хаачыстыбаларын уонна идэтийии таһымнарын үрдэтии соруктарын дьүүллэһэр сүрүн былаһаакканан буолуоҕа.
Пуорум сүрүн сыалларынан нуучча тылын баайын уонна Арассыыйа норуоттарын култуурунай нэһилиэстибэтин туһанан, контент эстетикатын уонна ис хоһоонун тупсарыы, Саха сиригэр ыччат медиа-хамсааһынын өйөөһүн, ону тэҥэ гражданскай-патриотическай сыаннастары бөҕөргөтүү уонна этнокултуурунай эгэлгэ сайдыытыгар көмөлөһүү буолаллар.
Дьыалабыай бырагыраама чэрчитинэн кыттааччылар медиакоммуникация эйгэтигэр бастыҥ эспиэрдэртэн лиэксийэлэри истэн, маастар-кылаастары көрөн ааһыахтара. Ыҥырыылаах спикердэр ортолоругар – VK социальнай ситими сайыннарыы уонна анализ хайысхатын салайааччыта Николай Афиногенов социальнай ситимнэргэ көдьүүстээх контент-стратегияны оҥоруу туһунан кэпсиэҕэ; «ТопБЛОГ» Бүтүн Арассыыйатааҕы бырайыак амбассадора Валентина Осокина куйаар ситимин сайыннарар институт бириэмийэтинэн бэлиэтэммит үөрэх бырайыагын билиһиннэриэҕэ; ону тэҥэ Хотугулуу-Илиҥҥи федеральнай университеттан «Патриот» бириэмийэ лауреата Дмитрий Жирков медиа-эйгэҕэ үөрэхтээх буолууну үрдэтиигэ бэйэтин уопутуттан үллэстиэҕэ. Пуорум Саха Өрөспүүбүлүкэтин медиа-эйгэтин сайыннарыыга уонна араас этнокултуурунай бөлөхтөр икки ардыларынааҕы сибээстэри бөҕөргөтүүгэ суолталаах тэрээһининэн буолуоҕа.
Саха сирин чэпчэки атлетикатын бастыҥнарыттан биирдэстэрэ Наталья Леонтьева Узбекистаҥҥа ыытыллыбыт Самарканд марафонугар үрүҥ көмүс мэтээлинэн…
Саха сирин уус-уран гимнастикаҕа кулууптара Казахстаҥҥа уонна Таилаҥҥа ыытыллыбыт норуоттар икки ардыларынааҕы күрэхтэһиилэргэ ситиһиилээхтик кытыннылар.…
Бүгүн, сэтинньи 10 күнүгэр, Дьокуускайга байыаннай дьайыы кыттыылаахтарыгар аналлаах «СВОй бизнес» үөрэтэр бырагыраама үөрүүлээх аһыллыыта…
Сэтинньи 13 күнүттэн режиссер Аполинария Дегтярева «Присутствие» диэн саҥа киинэтэ киэҥ экраҥҥа тахсыаҕа. Мистическэй триллергэ…
Бүлүү улууһун суутунан Кыргыдай орто оскуолатыгар оҕолорго сөптөөх услуобуйаны уонна куттала суох буолууну тэрийэргэ сорудахтанна.…
Дьокуускай куоракка Халтурин уулуссаҕа үс киһи олоҕун быспыт баһаар барыллаан быһаарыынан уоту сэрэҕэ суох туһаныыттан…