Хаартыска: sakha.gov.ru
Бүгүн, бэс ыйын 21 күнүгэр, Өксөкүлээх Өлөксөй аатынан Норуоттар доҕордоһууларын дьиэтигэр Йога аан дойдутааҕы күнүн бэлиэтээтилэр. Үбүлүөйдээх тэрээһиҥҥэ кэлбит дьон йога чөл олоҕу тутуһарга уонна култууралар ситимнэрин бөҕөргөтөргө улахан суолталааҕын тоһоҕолоон бэлиэтээтилэр.
СӨ Бырабыыталыстыбатын Бэрэссэдээтэлин солбуйааччы – Уһук Илиҥҥи уокурукка СӨ бастайааннай бэрэстэбиитэлэ Ким Борисов, СӨ Тас сибээстэргэ уонна норуоттар дьыалаларыгар миниистирэ Гаврил Кириллин, “Индийскэй култуурунай киин” Дьокуускайдааҕы эрэгийиэннээҕи уопсастыбаннай тэрилтэ бэрэсидьиэнэ Кришан Кумар Гоял уонна “Ганг” индийскэй табаардар маҕаһыыннарын салайааччыта Радха Гоял эҕэрдэ тылларын эттилэр.
“Дьокуускайга Йога аан дойдутааҕы күнэ онус төгүлүн ыытыллара үөрдэр. Бу биһиги норуоттарбыт доҕордоһууларын бөҕөргөтөр уонна култуурабытын атастаһар тэрээһиммит буолла. Йога чөл олоххо тиэрдэр эрэ буолбатах, кини араас култууралаах, саастаах дьону түмэр”, — диэн эттэ миниистир Гаврил Кириллин.
Сарсыардааҥы тэрээһин тренировкаттан саҕаланар, манна саҥа кэлээччилэр да , уопуттаахтар да бары сылдьаллар. Тэрийээччилэр этэллэринэн, йоганан дьарыктанар хаһан да хойут буолбатах.
Саха Өрөспүүбүлүкэтигэр норуоттар икки ардыларынааҕы или-эйэни бөҕөргөтөргө киллэрбит кылаатын иһин СӨ Тас сибээстэргэ уонна норуоттар дьыалаларыгар министиэристибэ “Норуоттар доҕордоһуулара” өйдөбүнньүк бэлиэтинэн “Индийскэй култуурунай киин” Дьокуускайдааҕы региональнай уопсастыбаннай тэрилтэ бэрэсидьиэнэ Кришан Кумар Гоял наҕараадаланна.
2024 с. Дьокуускайга Йога аан дойдутааҕы күнэ онус төгүлүн ыытылларын тэрийбит, кылааттарын киллэрбит дьоҥҥо Владивостокка баар Индия Өрөспүүбүлүкэтин Генеральнай консульствотын уонна СӨ Тас сибээстэргэ уонна норуоттар дьыалаларыгар министиэристибэтин ааттарыттан бочуотунай грамоталары уонна махтал суруктары туттардылар.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…