Дьокуускайга кадетскай оскуола выпускниктарыгар тиһэх чуораан чугдаарда
![](https://sakha-sire.ru/wp-content/uploads/2024/05/2024-05-24_15-06-44-900x596.jpg)
Ыам ыйын 24 күнүгэр киин куорат Кыайыы болуоссатыгар Саха кадетскай интэринээт-оскуолатын выпускниктарыгар тиһэх чуораан тыаһаата.
Тохсус уонна уон биирис кылаас үөрэнээччилэригэр үөрүүлээх линейка сиэрэ-туома ыытылынна. Бэлиэ күнүнэн кадеттары СӨ Үөрэҕин уонна наукатын миниистирэ Нюргуна Соколова эҕэрдэлээтэ.
«Эһиги дойду, өрөспүүбүлүкэ, дьиэ кэргэҥҥит уонна Саха кадетскай оскуола-интэринээт оскуолатын эрэлэ буолаҕыт улахан. Бу оскуолаҕа үөрэнэ киирэн, эһиги дойдуга ытык иэскитин биэрэр, бэриниилээх, тапталлаах буолуугутун көрдөрөҕүт. Кэлэр эксээмэннэри ситиһиилээхтик туттаран, күүтүүлээх аттестаттары ылан, туруоруллубут соруктары ситиһэргитигэр баҕарабын!», — диэн Нюргуна Соколова бэлиэтээтэ.
![](https://sakha-sire.ru/wp-content/uploads/2024/05/2024-05-24_15-08-50.jpg)
![](https://sakha-sire.ru/wp-content/uploads/2024/05/2024-05-24_15-08-39.jpg)
![](https://sakha-sire.ru/wp-content/uploads/2024/05/2024-05-24_15-08-29.jpg)
![](https://sakha-sire.ru/wp-content/uploads/2024/05/2024-05-24_15-08-18.jpg)
![](https://sakha-sire.ru/wp-content/uploads/2024/05/2024-05-24_15-08-05.jpg)
![](https://sakha-sire.ru/wp-content/uploads/2024/05/2024-05-24_15-07-49.jpg)
![](https://sakha-sire.ru/wp-content/uploads/2024/05/2024-05-24_15-07-37.jpg)
![](https://sakha-sire.ru/wp-content/uploads/2024/05/2024-05-24_15-07-26.jpg)
Интэринээт-оскуола дириэктэрэ Алексей Корякин кэпсииринэн, быйыл уон биирис кылааһы 22 оҕо бүтэрэр, онтон тохсус кылааһы — 18. Кини кадетскай оскуолаҕа үөрэнэр сыллар кэмигэр хас биирдии выпускник инники олохторугар хайаан да наадалаах билиини, сатабыллары ылбыттарыгар эрэнэрин биллэрдэ.
«Биһиги кадеттарбыт иннилэригэр судаарыстыбаннай түмүк аттестациялар кэтэһэллэр уонна талбыт үөрэх кыһаларыгар киирэллэрэ күүтэллэр. Биһиги оҕолорбутугар байыаннай- патриотическай хайысхалаах бары тэрээһиннэргэ көхтөөхтүк кыттыбыттарыгар махтанабыт. Биһиги кинилэринэн олус киэн туттабыт уонна бары үчүгэйи баҕарабыт», — диэн Алексей Корякин эттэ.
Сообщить об опечатке
Текст, который будет отправлен нашим редакторам: