Хаартыска: СИА
Дьокуускайга КамАЗ массыына маршрутнай оптуобуһу кытта харсыһыытыгар 11 киһи эмсэҕэлээбит.
Бу туһунан Доруобуйа харыстабылын министиэристибэтигэр чуолкайдаатылар. Бу иннинэ тоҕус киһи эчэйии ылбыттарын туһунан биллэриллибиттэрэ. Сэттэ улахан дьон уонна түөрт оҕо араас эчэйиини ылбыттар.
«Суһал көмө сулууспатынан сэттэ улахан киһи 2- с №-дээх балыыһаҕа, түөрт оҕо 1- кы №-дээх педиатрия киинигэр киирдилэр. Кинилэргэ наадалаах мэдиссиинэ көмөтө оҥоһуллар», — диэн биэдэмистибэҕэ иһитиннэрдилэр.
Санатан эттэххэ, оптуорунньукка быһа холоон 16:21 чаас саҕана Дьокуускайга Билибин уонна Уустаах Избеков аатынан уулуссаларын быһа охсууһуутугар улахан суол саахала тахсыбыт — 41 №-дээх маршрутнай оптуобус уонна КамАЗ таһаҕас тиэйэр массыына харсыспыттар. КамАЗ массыына суоппара оптуобуска суолу туораан биэрбэтэҕэ быһаарылынна.
Саахал тахсыбыт чахчытынан борокуратуура бэрэбиэркэни тэрийэр.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…