Дьокуускайга камераларынан фара уотун кытта хонтуруоллуур буолбуттар

Суол быраабылатын кэһиигэ фотовидеофиксациялааһын комплекстара билигин массыынаҕа фара уота суох сылдьар тырааныспардары эмиэ хонтуруоллуур буолбуттар.

Ону сэргэ камералар түргэн тэтимнээхтик сылдьары, куру баанан олорууну уонна  уруулга олорон төлөпүөнү туһаныыны кытта түһэрэн Госавтоинспекция сулууспатыгар ыыталлар.

Административнай быраабы кэһии Кодексатын 12.20 ыстатыйатынан тимир көлөнөн чугас тыгар фара холбонуута суох эбэтэр күнүскү уота суох сылдьыы иһин 500 солк. ыстараап көрүллэр.

Санаттахха, суол бырабаабылатын 19.5 пуунунан, сырдык кэмҥэ бары тырааныспардарга (бэлиспиэттэн ураты) бэлиэтиир сыалтан чугас тыгар фараны эбэтэр күнүскү уоттары холбуур булгуччу ирдэнэр.