Хаартыска: sakha.gov.ru
Дьокуускайга ыытыллар «Инники идэҕэ хардыы» XIX пуорум өрөспүүбүлүкэ араас муниципальнай тэриллиилэриттэн уонна атын эрэгийиэннэртэн кыттааччылары түмтэ. Быйылгы тэрээһин Саха сирин биллиилээх судаарыстыбаннай, бэлитиичэскэй уонна уопсастыбаннай диэйэтэл, өрөспүүбүлүкэни 17 сыл устата салайбыт Гавриил Иосифович Чиряев төрөөбүтэ 100 сылыгар ананар.
Кини салайар кэмигэр инфраструктурнай бырайыактар олоххо киирбиттэрэ, саҥа бырамыысыланнай кииннэр тэриллибиттэрэ, ол иһигэр Нерюнгри уонна Удачнай куораттар, ону тэҥэ Айхал бөһүөлэгэ.
«Бүгүн мин биһиги устудуьуоннарбытыгар араас эйгэҕэ саҥаны арыйарга дьулуурдарын уонна чинчийэр кыахтарын харыстыырга көмөлөспүт кэллиэстэр уонна тиэхиньикумнар бары преподавателлэригэр ис сүрэхпиттэн махтанабын. Бу олус суолталаах, тоҕо диэтэххэ, эһиги чинчийэр сатабыллары ылынаҕыт уонна аныгы кэм исписэлиистэрэ буоларга үөрэнэҕит. Бу сыллар тухары пуоруму өйүүр биһиги эспиэрдэрбитигэр — ураты махтал», – диэн СӨ Үөрэҕин уонна билимин миниистирин бастакы солбуйааччы Михаил Присяжнай бэлиэтээтэ.
2025 сылга пуорум тэрээһиннэригэр 4 644 киһи кыттар, ол иһигэр оскуола иннинээҕи тэрилтэлэр иитиллээччилэрэ, оскуола үөрэнээччилэрэ, орто профессиональнай үөрэх устудуьуоннар уонна педагогтар. Пуорум бырагырааматыгар Өрөспүүбүлүкэтээҕи научнай-практическай кэмпириэнсийэ, «Бииисинэс-идиэйэ марафона» бырайыактар куонкурустара уонна «Харыстабыл лидера-2025» бырайыактаах көҕүлээһиннэр куонкурустара киирэллэр. Сиһилии https://www.sakha.gov.ru/news/17059 сайтка ааҕыҥ.
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…