СИА хаартыската
Арассыыйа ИДьМ Саха сиринээҕи салаатын Дьокуускайдааҕы салалтатын 2 №-дээх полиция отделын дьуһуурунай чааһыгар биир кыыс биллибэт киһи кэнсиэргэ сымыйа билиэти атыылаабытын туһунан үҥсүү киллэрбит.
Суһал көрдөөһүн үлэтин түмүгэр, холуобунай ирдэбил үлэһиттэрэ дьыалаҕа уорбаланар 17 саастаах эдэр уолу туппуттар диэн ИДьМ пресс-сулууспата иһитиннэрэр. Чуолкайдаммытынан, сокуоннай сааһын ситэ илик оҕо кэнсиэргэ 3500 тыһ. солк. электроннай билиэти атыыласпыт. Уол биллибэт биричиинэнэн кэнсиэргэ сылдьыбатах уонна билиэтин атыылыырга сананан биллэрии таһаарбыт.
Бастаан билиэт ыйыппыт киһиэхэ 3500 солкуобайдаах билиэтин скриншотун ыыппыт. Сотору кэминэн аны кыыс төлөпүөннээбит, онуоха бу киһи атыыламмыт билиэти эмиэ итиччэ суумаҕа иккиһин атыылаабыт уонна эмиэ итинник скриншоту ыыппыт.
Сымыйа билиэт буоларын кыыс кэнсиэргэ тиийэн эрэ баран, тэрийээччилэртэн билбит. Киниэхэ маннык билиэтинэн атын киһи хонтуруолу ааһан миэстэтигэр олорорун туһунан эппиттэр.
Уһуну-киэҥи толкуйдаабакка, харчыга ымсыырбыт сокуоннай сааһын ситэ илик уолга түөкүннүү быһыыламмытын иһин РФ Холуобунай кодексын 159 ыст. 1 чааһынан «Түөкүннээһин» холуобунай дьыала тэриллибит.
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…