Хаартыска: «Триумф» пресс-сулууспата
От ыйын 3 күнүгэр «Триумф» успуорт уораҕайыгар көҥүл тустууга Арассыыйа чөмпүйэнээтин призердарын Константин Капрыновы уонна Александр Авеловы чиэстээтилэр.
Кинилэргэ уонна тириэньэрдэригэр Саха сирин спортивнай тустууга Федерациятын аатыттан харчылаах сэртипикээттэри туттардылар диэн «Триумф» пресс-сулууспата иһитиннэрэр.
Санатан эттэххэ, Константин Капрынов 70 киилэҕэ диэри ыйааһыҥҥа киирсэн, үрүҥ көмүс призерунан буолбута. Аатырбыт-сураҕырбыт утарсааччыларын, ол иһигэр аан дойду бастыыр иһин күрэҕин кыайыылааҕын Инар Кетияны, Олимпийскай оонньуулар призерун Гаджимурад Рашидовы, Европа чөмпүйүөнүн Курбан Шираевы кыайталаабыта. Финалга Капрыновы кытта хапсыһыыга кыһыл көмүс мэтээли Сайын Казырык ылбыта.
Саха сирин спортивнай тустууга Федерациятын аатыттан Арассыыйа чөмпүйэнээтин үрүҥ көмүс призеругар Константин Капрыновка 105 тыһыынча, оттон боруонса мэтээл хаһаайыныгар Александр Авеловка 75 тыһыынча солкуобайы туттардылар. Ону таһынан кинилэр тириэньэрдэрин наҕараадаланнылар.
«Бастакы күммэр бойобуой настройдаах этим, хапсыһыыларым бэрткэ аастылар. Иккис күммэр туох эрэ тиийбэтэ. Быраастарбытыгар, массажистарбытыгар, Михаил Пахомовка, «Триумф» кэлэктиибигэр, тириэньэрдэрбэр, уолаттарбар махтанабын.», — диэтэ сүүмэрдэммит хамаанда капитана Константин Капрынов.
Снайпердар күрэхтэһиилэригэр бойобуой сырыылары ааспыт, идэтийбит байыаннай дьону кытта любитель ытааччылар эмиэ кытталлар. Дыгын Попов,…
Култуура киинэ (кулууп) диэн ханнык баҕарар дэриэбинэ, бөһүөлэк, нэһилиэк тэбэр сүрэҕэ диэтэхпинэ сыыспатым буолуо. Киинэ…
Билигин аутизм курдук диагнозтаах оҕо олус элбэх. Ити эдэр ийэлэр оҕо күүтэр кэмнэригэр аһары көмпүүтэргэ,…
Бүгүн “Сулус” полигон базатыгар ыраах дистанцияны ытыыга снайпинг аһаҕас турнира буола турар. Кылаабынай судьуйа Юрий…
Байыаннай дьайыыга, биһиги Сахабыт сириттэн элбэх ньургун уол, аҕа дойдуларын иннигэр иэстэрин толороллор, хорсуннук туруулаһаллар.…
"Калашников" концерн уонна РФ бойобуой снайпинын Федерацията бииргэ үлэлэһии туһунан сөбүлэҥ түһэристилэр. "Калашников" концерн уонна…