Дьокуускайга көҥүл тустууга Арассыыйаҕа бастыыр иһин күрэхтэһии ыытыллыаҕа

Муус устар 14-16 күннэригэр Дьокуускайга «Триумф» спортивнай комплекска көҥүл тустууга  Арассыыйаҕа бастыыр иһин   күрэхтэһии  ыытыллыаҕа. Манна 21 саастарыгар диэри спортсменнар кытталлар.

Санатан эттэххэ, бу күрэхтэһии Ил Дархан Айсен Николаев  уонна Арассыыйа спортивнай тустууга федерациятын бэрэсидьиэнэ Михаил Мамиашвили быһаарыыларынан Дьокуускайга ыытыллар.  Дьокуускай куоракка бүтэһиктээҕин Арассыыйаҕа бастыыр иһин күрэхтэһии 17 сыл анараа өттүгэр ыытыллыбыта.  Ол курдук, 2006 сыллаахха күрэхтэһии «Кыайыы 50 сыла» спорт дыбарыаһыгар   буолбута диэн СпортЯкутии суруйар.

Үс күннээх күрэхтэһиигэ   уопсайа 300 спортсмен кыттара былааннанар.

Бу күннэргэ номнуо Кемеровскай уобалас хамаандата кэллэ диэн СпортЯкутии суруйар.