Дьокуускайдааҕы административнай хамыыһыйатын иһитиннэриитинэн, бу күннэргэ камеранан кэтээн көрүүнэн санитарнай туочукаларынан көҥүлэ суох тутуу бөҕүн-саҕын тоҕуута элбиир.
Буруйдаахтар административнай ыстаарапка тардыллыахтара. Ол курдук, аҥардас ааспыт нэдиэлэҕэ камера көмөтүнэн таһаҕас тиэйэр массыыналартан санитарнай туочукаларга тутуу бөҕүн-саҕын тоҕуута 46 түбэлтэтэ бэлиэтэммит. Матырыйааллар бары Дьокуускай куорат административнай хамыыһыыйатын көрүүтүгэр бэрилиннилэр. Киин куорат мээрэ Евгений Григорьев санитарнай туочукаларга көҥүлэ суох бөҕү-саҕы тоҕууга административнай ыстараап кээмэйин сокуон барылынан улаатыннарыыны көҕүлүүргэ сорудахтаата.
«Санитарнай туочукаларга бөҕү-саҕы тоҕуу тахсар түгэннэрэ олус элбэх. Сүрүн биричиинэтэ — ыстараап кээмэйэ намыһах. Бу боппуруоһунан Ил Түмэн дьокутааттарын кытта үлэлэһэргэ, туһааннаах көҕүлээһиннээх тахсарга уонна РФ Административнай буруйу оҥоруу Кодексатыгар ыстараап кээмэйин улаатыннарарга уларытыыны киллэрэри ситиһэргэ сорудахтыыбын. Атыннык бу бэрээдэги тутуһууну ирдэһэр уустук», — диэн Евгений Григорьев сорудахтаата.
Сообщить об опечатке
Текст, который будет отправлен нашим редакторам: