Дьокуускайга Кэриэстэбил уонна Кутурҕан күнүгэр анаммыт кутурҕан миитинэ буолла

Бэс ыйын 22 күнүгэр, баскыһыанньаҕа, Дьокуускай куорат Кыайыы болуоссатыгар Аҕа дойду Улуу сэриитэ саҕаламмыт күнүгэр – Кэриэстэбил уонна Кутурҕан күнүгэр анаммыт кутурҕан миитинэ буолла.

«Саха сирэ — Дьоруойдар сирдэрэ» каадыр бырагырааматын финалистара, тыыл уонна үлэ бэтэрээннэрэ, сэрии оҕолоро, былаас уорганнарын, тэрилтэлэр уонна ыччат бэрэстэбиитэллэрэ «Буойуттарга — кыайыылаахтарга» пааматынньыкка сибэкки дьөрбөтүн уурдулар.

«Бэс ыйын 22 күнэ биир Ытык күннэриттэн биирдэстэрэ. Биһиги бу күн буойуоттарбытын — чугас дьоммутун, аймахтарбытын  ахтабыт-саныыбыт. Бу күн фашистар биллэрбэккэ эрэ биһиги дойдубутугар саба түспүттэрэ — дьон-сэргэ өссө уһукта илигэ, фашистар куораттары, сэлиэнньэлэри буомбалаабыттара. Дойдубут үйэлэр тухары хотторботун дакаастыыр. Биһиги эйэни төннөрөбүт уонна босхолуубут», – диэн Ил Түмэн бэрэссэдээтэлин солбуйааччыта Александр Подголов бэлиэтээтэ.