«Сахафильм» хампаанньа пресс-сулууспата
Дьокуускайга VIII норуоттар икки ардыларынааҕы киинэ бэстибээлэ бу сыл от ыйын 4-8 күннэригэр ыытыллыаҕа. Бу туһунан «Сахафильм» хампаанньа пресс-сулууспата иһитиннэрэр.
Санаттахха, бастакы Норуоттар икки ардыларынааҕы киинэ бэстибээлэ 2013 сыллаахха атырдьах ыйыгар ыытыллыбыта. 2019 сыллаахха VI Дьокуускайдааҕы киинэ бэстибээлэ Арассыыйа Култууратын министиэристибэтинэн дойду үрдүнэн ыытыллар киинэ бэстибээллэрин официальнай испииһэгэр киллэриллибитэ.
2020 сыллаахха коронавирус дьаҥыттан сылтаан киинэ бэстибээлэ онлайн-көрүҥүнэн ыытыллыбыта, онтон ыла 4 сыл устата тохтобул буолбута.
Киинэ бэстибээлин сүрүн тэрийээччитэ, «Сахафильм» киинэ хампаанньа салайааччыта Алексей Егоров тэрээһин туһунан маннык кэпсээтэ:
«Дьокуускайдааҕы норуоттар икки ардыларынааҕы киинэ бэстибээлэ биһиэхэ ахсыс төгүлүн ыытыллар. Ааспыт сылга Андрей Саввич Борисов, кинематография диэйэтэллэрин, Саха сирин култууратын министиэристибэтин көҕүлээһиннэринэн «Желанный берег» Арктикатааҕы ускуустуба пуорумун чэрчитинэн бэстибээли сэттис төгүлүн сөргүтэргэ этии көтөхпүтэ. Ол эрээри, бу бэстибээли бигэргэтэр, дьиҥнээхтии сөргүтэр туһуттан, биирдэ ыытан баран үс-түөрт сылга умнан кэбиһэр ситэтэ суох. Хайаан да, икки сылга биирдэ ыытыллыахтаах. Быйыл култуура миниистирэ Афанасий Ноев көмөтүнэн, Арассыыйа Култууратын министиэристибэтин иһинэн Киинэ Департаменын куонкуруһугар кыттан, кыайыылаах таҕыстыбыт. Арассыыйа култууратын министиэристибэтин уонна биһиги министиэристибэбит үбүлээһиннэринэн «Сахафильм» киинэ хампаанньата бэстибээли ахсыс төгүлүн ыытар!».
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…
Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…
Ааспыт суукка иһигэр ойуур баһаарын умуруорар сулууспалар көдьүүстээх үлэлэрин түмүгэр Мииринэйгэ 1 156 гектар иэннээх…
Алдан улууһугар быраастар анал байыаннай дьайыы кыттыылааҕар осколочнай бааһырыы кэнниттэн төбөтүн уҥуоҕун чөлүгэр түһэрдилэр. Эпэрээссийэни…