Дьокуускайга киирии суоллар түөрт балаһалаах буолуохтара

Марха чугаһынан “Нам” эрэгийиэннээҕи суолталаах суолу өрөмүөннүү сылдьаллар. Быйыл ити учаастакка 1,5 км аспаал аллараа араҥатын ууруохтара. Суол өрөмүөнэ аныгыс сыл түмүктэнэрэ күүтүллэр. Бу туһунан Тырааныспар уонна суол хаһаайыстыбатын миниистирэ Владимир Сивцев cоциальнай ситимнэргэ быһа эпиир кэмигэр иһитиннэрдэ.

Быйыл Можайскай аатынан уулуссаны 4 балаһалаах оҥоруу саҕаланар. 2023 сылга 500 миэтирэ аспаал ууруллуоҕа.

Покровскайдыыр хайысхаҕа “Умнас” массыына суола эмиэ түөрт балаһа буоларын курдук кэҥэтиллэр. Эбии тохтобуллар туруохтара, сырдатыы тардыллыаҕа.