Дьокуускайга Киргизияттан төрүттээх киһи сэттэ миграны кыбартыыратыгар бырапыыскалаабыт

Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы №-дээх салаатын үлэһиттэрэ сокуону кэспит киһини туттулар.

Ол курдук, Киргизияттан төрүттээх 33 саастаах киһи Дьокуускайга Бекетов аатынан уулуссаҕа баар кыбартыыратыгар сэттэ миграны бырапыыскалаабыт. Ол эрээри, бу кыбартыыратыгар ол дьону олордор санаата суох эбит.

Онон уорбаланааччыга РФ холуобунай кодексатын 322.3  ыст. холуобунай дьыала тэриллибитин туһунан ИДьМ пресс-сулууспата иһитиннэрэр.