Дьокуускайга «Кладовая осени» аһымал дьаарбаҥка ыытылынна

СӨ ОДьКХ уонна энергетика министиэристибэтин кэлэктиибэ «Кладовая осени» күһүҥҥү аһымал дьаарбаҥкаҕа көхтөөхтүк кытынна.

Министиэристибэ уонна тэрилтэлэр үлэһиттэрэ бэйэлэрэ дьиэҕэ оҥорбут астарын атыытын тэрийдилэр, диэн ОДьКХ министиэристибэтин пресс-сулууспата иһитиннэрэр.

Дьаарбаҥка түмүгүнэн министиэристибэтэ атыыттан 62 тыһыынча кэриҥэ солкуобайы киллэрэн, бастакы миэстэни ылла. Киирбит үп-харчы бүтүннүүтэ байыаннай дьайыы кыттыылаахтарын өйүүр пуондаҕа ыытыллыаҕа. Бу күн судаарыстыбаннай былаас толорор уорганнарын икки ардыларыгар «Доҕордоһуу Куубага» диэн хамаанданы түмэр успуорт көрүҥнэригэр турнир ыытылынна. Күрэхтэһии олох куттала суох буолуутун уонна табыгастаах эйгэ инфраструктуратын сайыннарар салаа кэлэктииптэрин түмэр бырайыак чэрчитинэн барда. Бырагыраамаҕа волейбол, мас-рестлинг, стритбол, хабылыктаах эстафета, үгэс буолбут ох саанан ытыы уонна ханаат тардыһыыта киирдилэр.

Бары көрүҥнэр түмүктэринэн хамаанданан уопсай миэстэлэр маннык үллэһилиннилэр: 1 миэстэ — СӨ Тырааныспарга министиэристибэ; 2 миэстэ — СӨ Экологияҕа министиэристибэ; 3 миэстэ — СӨ ОДьКХ уонна энергетика министиэристибэ. Дьаһал аһымал үтүө дьыаланы, чөл олоҕу уонна корпоративнай тыыны бөҕөргөтүүнү ситиһиилээхтик дьүөрэлээһин чаҕылхай холобурунан буолла.