Дьокуускайга сэттэ киһини клещ ытырбыта бэлиэтэннэ

Ааспыт нэдиэлэҕэ Дьокуускайга клещ 7 киһини ытырбыта бэлиэтэннэ.

Бу туһунан бүгүн, бэс ыйын 16 күнүгэр, киин куорат салайааччыларын былаанныыр мунньаҕар иһитиннэрдилэр.  Сиһилии куорат дьаһалтатын телеграм-ханаалыгар @YakutskRF сигэнэн киирэн көрүөххэ сөп.

Тыаҕа сылдьаргытыгар сэрэхтээх буоларгытын умнумаҥ.  Өскөтүн клещ ытырдаҕына, бэйэҕит ыла сатаамаҥ. Тириигэ кини тумса хаалыан сөп. Суһаллык мэдиссиинэ чугастааҕы тэрилтэтигэр кэлэн, бырааска ыллаттарыахха наада.