Хаартыска: Нарыйа Пахомова, СИА
Бүгүн, атырдьах ыйын 9 күнүгэр, киин куоракка Орджоникидзе аатынан болуоссакка Төрүт олохтоох омуктар аан дойдутааҕы күнүн көрсө «Кочевье – 2024» национальнай бырааһынньык буола турар.
Манна национальнай таҥастаах параад уонна дефиле, тотемнар үҥкүүлэрэ, норуоттар төрүт үгэстэрин сиэринэн-туомунан кутаа уот иннигэр алгыс тыллара этилиннэ. Бырааһынньык сүрүн тэрээһининэн «Радуга единства» хотугу аҕыйах ахсааннаах норуоттар дьиэ кэргэттэрин билиһиннэриитэ буолла диэн СИА суруйар.
Аан дойду төрүт норуоттарын күнэ ХНТ генеральнай Ассамблеята 1994 сыллаахха тэриллибитэ. Бу күн төрүт омуктар культураларын чиэстээһин уонна төрүт тылларын, үгэс буолбут олохторун харыстааһыҥҥа тирээн турар суолталаах боппуруостары көтөҕөллөр. Бу кэмтэн ыла норуоттар өбүгэлэриттэн бэриллибит дириҥ билиилэрин, култуураларын, тылларын-өстөрүн, үгэстэрин харыстыырга ураты болҕомто ууруллар. Бу сылга норуоттар икки ардыларынааҕы бырааһынньык көс ыалга ананна. Бырааһынньык ыалдьыттара ыраастаныы сиэрин-туомун аастылар.
Болуоссакка Саха сирин төрүт олохтоох норуоттарын бэрэстэбиитэллэрин, национальнай таҥастаах норуот маастардарын, омуктар ассоциацияларын, Бүтүн Арассыыйатааҕыы «Төрүт олохтоох аҕыйах ахсааннаах норуоттар. «Уопсастыбаннай дипломатия оскуолата» үөрэтэр куонкурус кыттыылаахтарын параада буолан ааста. Тэрээһин түмүгэр хотугу норуоттар дьиэ кэргэттэрин билиһиннэриитэ буолла. Удьуор ыаллар Эгдьэ Молалар, Деллянкилар, Колесовтар, Алексеевтар, Кемлиль-Нуденлилэр, Куриловтар-Ксенофонтовтар, Дускуловтар-Дьячковтар, Голиковтар, Павловтар бэйэлэрин билиһиннэрдилэр уонна айар талааннарын кэпсээтилэр.
Дьокуускайга 69 саастаах эр киһи түөкүттэргэ албыннатан, кыбартыыратын былдьатта. Хара санаалаах түөүктэр, Росфинмониторинг уонна быраап…
Бэҕэһээҥҥиттэн, балаҕан ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
Саха сиригэр элбэх оҕолоох дьиэ кэргэттэртэн 395 устудьуон үөрэҕэр өйөбүлү ылбытын туһунан СӨ үлэҕэ уонна…
РФ Судаарыстыбаннай Дууматын дьокутааттара Арассыыйаҕа вейптэри толору бобуу туһунан сокуон барылыгар үлэлэрин күһүҥҥү сиэссийэлэригэр саҕалыахтара.…
Дьокуускай куорат төрөөбүт күнүгэр, балаҕан ыйын 14 күнүгэр, арыгы атыытын тохтотуохтара. Бу туһунан "ВКонтакте" ситимҥэ…
Ааспыт өрөбүллэргэ полицияҕа түөкүттэр сиэртибэлэрэ буолбут Дьокуускай куорат икки олохтооҕо тыллаабыт. Бу туһунан өрөспүүбүлүкэтээҕи ИДьМ …