Хаартыска: Майя Гоголева / СИА
Дьокуускай куорат Комсомольскай болуоссатыгар гаас мотуордаах уматыгынан үлэлиир массыына уонна анал тиэхиньикэ быыстапката үлэтин саҕалаата.
Манна чэпчэки уонна улахан таһаҕастаах массыыналар, магистральнай уонна тыраахтар тиэхиньикэтэ көрдөрүүгэ турдулар. Бу туһунан ЯСИА иһитиннэрэр.
Быыстапка гаас мотуордаах уматык үс көрүҥүн – убаҕас айылҕа гааһын, пропан-бутаны уонна метаны бастыҥ өрүттэрин көрдөрөр. Саха сирин Бырамыысыланнаска уонна геологияҕа миниистирин бастакы солбуйааччыта Михаил Кириллин бэлиэтээбитинэн, гаас мотуордаах уматыкка көһүү Саха сиригэр стратегическай хайысханан буолар: «Гаас мотуордаах массыыналар ордук буолаллара илэ-бааччы көстөр. Бастакытынан, метан, холобур, биһиэхэ 2–2,5 төгүл чэпчэки. Бу экэнэмиичэскэй өттүнэн эрэ барыстаах буолбатах, саамай сүрүнэ – экологическай өттүнэн ыраас уматык буолар».
Кини өрөспүүбүлүкэҕэ 100-тэн тахса устуука гааһынан үлэлиир оптуобус уонна атын тиэхиньикэ баарын эттэ. Куорат иһинэн, куорат таһынааҕы уонна куораттар икки ардыларынааҕы маршруттарынан сылдьар метанынан үлэлиир саҥа кыһыл оптуобустарга улахан болҕомто уурулунна. Ахсааннара сыл аайы элбиэҕэ. Гааска көһүү дьыала үрдүгэр барыстааҕын «Саханефтегазсбыт» АУо «Дьокуускайдааҕы нефтебааза» филиалын дириэктэрэ Денис Чуев эмиэ бигэргэттэ. Тэрилтэ тырааныспары гааска көһөрүү үлэтин 2023 сыллаахха саҕалаабыта.
«Хас да сыл үлэлэтэн көрөн, бу дьиҥнээхтик экэнэмиичэскэй өттүнэн барыстааҕын өйдөөтүбүт. Тэҥнээн көрдөххө, “Ларгус” массыынаҕа ааспыт сыл түмүгүнэн метантан киирбит көдьүүс 65 тыһ. солк.буолла. Атын тырааныспар көрүҥнэригэр, тиэхиньикэттэн уонна уматык ороскуотуттан тутулуктанан, көдьүүһэ өссө үрдүк буолуон сөп», – диэн Денис Чуев бэлиэтээтэ. Быыстапка бээтинсэ 18 чааска диэри үлэлиэҕэ
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…