Дьокуускайга “Контакт-Бар” баарга буолбут күлүгээннээһининэн холуобунай дьыала тэриллибит

Дьокуускай куорат борокуратуурата куорат полициятын силиэстийэлиир управлениета ХК 213-с ыст. 2 ч. (сэп-сэбиргэл быһыытынан биридимиэти туттан элбэх буолан күлүгээннээһин) көбүппүт холуобунай дьыалатын сокуоннайынан билиннэ.

Холуобунай дьыала көбүтүллэригэр быһаарыллыбытынан, 2024 сыл алтынньы 6 күнүгэр киэһэ 23 чаас  00 мүн. Дьокуускай куорат Аммосов аатынан уулуссатын “Контакт-Бар” баарга сылдьар дьон бөлөҕө, уопсастыбаҕа ытыктабыла суохтарын көрдөрөн, куруубайдык, аанньа ахтыбатахтыы сыһыаннаһан, уопсастыбаннай бэрээдэги кэһэн, араас биридимиэттэри туһанан, ону тэҥэ, баарга баар дьоҥҥо күүс өттүнэн өттөйөн туран  күлүгээннээбиттэр.

Билиҥҥитэ холуобунай дьыаланан силиэстийэ ыытыллар. Силиэстийэ хаамыытын борокуратуура хонтуруоллуур. Ити туһунан СӨ Борокуратууратын телеграм ханаалыгар суруйаллар.