Андрей Сорокин хаартыскаҕа түһэриитэ, ЯСИА
«Триумф» успуорт уораҕайыгар САССР, РСФСР, ССРС үтүөлээх тириэньэрэ Дмитрий Коркин аатынан норуоттар икки ардыларынааҕы көҥүл тустуу турнира түмүктэннэ. Күөн күрэс сэтинньи 14-16 күннэригэр буолла.
Далааһыннаах күрэхтэһиигэ 11 тас дойдуттан уонна дойду 12 эрэгийиэниттэн барыта 200-тэн тахса күүстээх спортсменнар түмсэн илин-кэлин түһүстүлэр.
Күрэхтэһии түмүгүнэн Саха сирин бөҕөстөрө түөрт кыһыл көмүс мэтээли ылары ситистилэр. Кыайыылаахтарынан буоллулар Лев Павлов (57 кг), Олег Фомин (74 кг), Ньургун Сергин (92 кг) уонна Никита Софронов (125 кг). Маны сэргэ, Саха сирин спортсменнара түөрт үрүҥ көмүс мэтээллэннилэр — Евгений Аронов (97 кг), Владислав Кривошапкин (65 кг), Константин Капрынов (70 кг), Никита Хабаров (125 кг). Ону таһынан икки боруонса — Александр Авелов (61 кг) уонна Егор Явловскай (57 кг).
СӨ Ил Дархана Айсен Николаев турнир өрөспүүбүлүкэҕэ успуорду сайыннарыыга суолтатын уонна Саха сирин бөҕөстөрүн үрдүк көрдөрүүлэрин бэлиэтээтэ. Кини күрэхтэһиини ыытыыга туох баар күүстэрин-уохтарын ууран көмөлөспүт, үрдүк таһымнаахтык тэрийэри хааччыйбыт, тирэх буолбут дьоҥҥо махтанна.
—Биһиги чөмпүйүөннэрбитинэн — Лев Павловынан, Олег Фоминынан, Ньургун Сергинынан уонна Никита Софроновынан киэн туттабыт. Саха сирин тустууга оскуолатын иитиллээччитэ Виктор Рассадин турнир рекордун олохтоото — ахсыс төгүлүн Коркин турнирыгар кыһыл көмүһү ылары ситистэ! Бу ситиһии эдэр спортсменнары суолдьут сулус буолан сирдииригэр эрэнэбин, — диэтэ Айсен Николаев.
Сиһилии: https://www.sakha.gov.ru/news/15487
СӨ Ил Дарханын уонна Бырабыыталыстыбатын пресс-сулууспата
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…