Ааптар хаартыскалара
Бүгүн, олунньу 4 күнүгэр, Ил Дархан Айсен Николаев өрөспүүбүлүкэтээҕи коррекционнай интэринээт-оскуола аһыллыытыгар кытынна.
Айсен Николаев оскуоланы, интэринээти, анал кэбиниэттэри көрдө. «Бүгүн өр кэтэһиллибит коррекционнай оскуолаҕа (речевой оскуола) киирбиккитинэн эҕэрдэлиибин. Өссө куорат баһылыгынан олордохпуна, бу боппуруос турбута. Уопсай үөрэхтээһин оскуолалара тутулуннулар, речевой оскуоланы эмиэ тутарга диэн сыал-сорук туруоран, кылгас кэмҥэ судаарыстыбаннай бырагырааманан тутулунна. Эргэ оскуола уустук усулуобуйалаах этэ. Оскуола, интэринээт барыта тус-туспа турара. Билигин маннык киэҥ-куоҥ оскуола-интэринээккэ ситиһиилээхтик үлэлииргитигэр, үөрэнэргэтигэр бары өттүнэн сөптөөх усулуобуйа тэрилиннэ», — диэн Айсен Сергеевич эҕэрдэлээтэ уонна оскуола кэлэктиибигэр оптуобус сэртипикээтин үөрүүлээх быһыыга-майгыга туттарда.
Оскуолаҕа өр сылга үлэлээбит, бэтэрээн учуутал Елена Павловна Антонова: «Биһиги кыһалҕабытын өйдөөн, маннык үчүгэй, киэҥ-куоҥ оскуоланы тутан киллэрбиккитигэр махтанабыт. Аныгылыы оборудованиенан, кэбиниэттэринэн, хосторунан, оҕону сайыннарар араас оонньуулардаах саалаларынан хааччыллыбыт уораҕайга киирбиппититтэн олус үөрэбит. Бу биһигини өссө да айымньылаахтык үлэлииргэ, үөрэнэргэ кынаттыыр», — диэн долгуйан туран эттэ.
Оскуола бастакы сыбаайатын 2021 сыллаахха үөрүүлээх быһыыга-майгыга түһэрбиттэрэ, 2022 сылга тутуллан бүтүөхтээҕэ. Силигэ ситэн, быйыл сыл саҥатыгар киирбитэ үөрүүлээх. Урут кэлэктиип уонна оҕолор өр кэмҥэ ааспыт үйэ 60-с сылларыгар тутуллубут, тыбыс-тымныы мас оскуолаҕа үлэлээбиттэрэ, үөрэммиттэрэ, элбэх эрэйи көрсүбүттэрэ.
Кыһа 120, интэринээтэ 100 миэстэлэрдээх, киэҥ-куоҥ уораҕай туох-баар аныгылыы оборудованиенан хааччыллыбыт: мэдиссинэ кэбиниэтэ, оҕону сайыннарар, быраас, стоматолог, логопед, оҕо этин-хаанын сайыннарар хостордоох, интерактивнай, мультимедийнэй, иистэнэр, уһанар анал мастарыскыай-кэбиниэттэрдээх.
Өрөспүүбүлүкэтээҕи (коррекционнай) интэринээт-оскуола үлэҕэ киириитэ оҕолорго, учууталларга, иитээччилэргэ, төрөппүттэргэ даҕаны сүргэлэрин көтөҕөн, инникитин өссө күүскэ үлэлииргэ, үөрэнэргэ кынаттыыра саарбаҕа суох.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…