Дьокуускайга Космическай аппарааттары көтүтүү управлениетын киинэ тэриллиэҕэ

П.И. Дудин аатынан Дьокуускайдааҕы сибээс уонна информационнай технология кэллиэһин баазатыгар космическай кэтээн көрүү дааннайдарын уонна кыра космическай аппарааттары бырайыактыыр киинэ тэриллиэҕэ.

Үөрэх тэрилтэтин кытта сөбүлэһиини Н.Э. Бауман аатынан Москватааҕы судаарыстыбаннай тэхиниичэскэй университет илии баттаата. Киин космическай аппарааттары салайыыга тэхиниичэскэй разработкаларынан дьарыктаныаҕа. Сөбүлэһии 2030 сылга диэри үлэлиэҕэ.

Санатан эттэххэ, Российскай Федерация Бэрэсидьиэнэ  бу сыл муус устар 16 күнүгэр МГТУ космическай салаатыгар сүбэ мунньаҕы ыыппыта. Н.Э. Бауман аатынан Москватааҕы судаарыстыбаннай тэхиниичэскэй университет билим үрдүк технологиялаах салааларыгар, ол иһигэр космическай технологиялар уобаластарыгар каадырдары бэлэмниир.