Хаартыска: СИА
Бүгүн Дьокуускай куорат Орджоникидзе болуоссатыгар Крым Арассыыйа састаабыгар киирбитин күнүгэр аналлаах бырааһынньыктааҕы кэнсиэр буолла.
Бу бырааһынньык күнэ сыл ахсын кулун тутар 18 күнүгэр бэлиэтэнэр. Чопчу бу күн дойду Бэрэсидьиэнэ Владимир Путин, Крым салалтата уонна Севастополь куорат мэрэ Крым Арассыыйа састаабыгар киирэрин туһунан дуогабарга илии баттаабыттара.
Кэнсиэр кыттыылаахтарын уонна кыттааччылары СӨ уопсастыбаннай балаататын бэрэссэдээтэлэ Станислав Иванов уонна «Дьокуускай куорат» куораттааҕы уокурук баһылыгын бастакы солбуйааччы Георгий Гаврильев эҕэрдэлээтилэр.
«Биһиги биир дойдулаахтарбытын өйүүр туһугар муһуннубут. 2014 сыллаахха референдум буолан ааспыта, онно элбэх национальностаах Крым нэһилиэнньэтин 96%-на уонна Севастополь куорат олохтоохторо инники кэскиллэрин туһугар куоластаабыттара. Билигин Крым Российскай Федерация туспа субъегынан буолар — олус тэтимнээхтик сайдар», — диэн Георгий Гаврильев эттэ.
Кэнсиэри тэрийээччилэр бу күн Арассыыйа эрэгийиэннэригэр – РФ састаабыгар Крым уонна Севастополь куорат төннүүлэрэ историческай, геополитическай, култуурунай суолталаах.
Саха сиригэр «Молодёжное крыло Народного Фронта» координатора Тимофей Васев саныырынан, бу бырааһынньык ыччаты патриотическай иитиигэ улахан суолталаах.
«Бастатан туран, бу бырааһынньык биһиги биир сомоҕо буоларбытын көрдөрөр. Биһиги биир дойдулаахпыт уонна биир норуот буолабыт. Крымҥа уонна Севастопольга элбэх доҕоттордоохпут. Оҕолорбут кыра эрдэхтэриттэн дойду устуоруйатыгар сысталлар. Итиэннэ бу тэрээһиҥҥэ кытталлара биһиги биир сомоҕо буоларбытын туоһулуур», — диэн бэлиэтээтэ Васильев.
Куорат олохтоохторугар иннилэригэ сыанаҕа «Туймаада», «Мархиночка» вокальнай ансамбыллар, ону тэҥэ Саха эстрадатын судаарыстыбаннай тыйаатырын артыыстара таҕыстылар.
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…
Тимир көлө көннөрү айанныыр тэрил буолбатах, үлэни-хамнаһы түргэтэтэр, дьону-сэргэни сибээстиир сүрүн тэрил. Сайын, кыһын буоллун,…
Дьокуускай куоракка "Звёзднай" түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар. Бүгүн…
Аныгы сайдыылаах үйэҕэ дьахталлар эр дьонтон хаалсыбакка, аар тайҕаларыгар бултуу бараллар, күһүн-саас кустууллар-хаастыыллар. Маннык сэдэх…
Ааспыт сууккаҕа Саха сиригэр сэттэ буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…