Дьокуускайга «Куб Холода» диэн арт-эбийиэк баар буолуоҕа

Дьокуускайга «Куб Холода» диэн ааттаах арт-эбийиэги олоххо киллэрээри сылдьаллар. Эбийиэги Ленин проспегын уонна Курашов уулуссатын быһа охсуһуутугар туруоруохтара. Бу туһунан СӨ туризм сайдыытыгар уонна территориальнай маркетиҥҥа ааҕыныстыбата иһитиннэрэр.

«Бүгүн бу сири дьон «Московскай» искибиэр диэнинэн билэр, сотору кэминэн бу искибиэр ис хоһооннонон, ситэриллибит,  табыгастаах уонна биллэр уопсастыбаннай сиринэн буолуоҕа. «Куб Холода» эбийиэк саҥардыллыбыт искибиэр биир сүрүн элэмиэнинэн буолуоҕа», — диэн тэрилтэ иһитиннэрэр.

«Куб Холода» бырайыак быһыытынан, тимир тирэхтээх 3х3 миэтэрэ кээмэйдээх таас кууб буолар. Иһигэр сырдатар уонна мультимедийнай тэрил туруоҕа.