Дьокуускайга куйаар ситиминэн наркотигы эргиммит икки эр киһи буруйданна

СӨ Борокуратуурата икки эр киһи холуобунай дьыалатыгар буруйдуур түмүгүн таһаарда. Кинилэр РФ ХК 210 ыст. 2 ч. (буруйу оҥорор бөлөххө кыттыы) уонна 228.1 ыст. 4 ч. (наркотигы сокуоннайа суох эргиниигэ холонуу) буруйданнылар.

Силиэстийэ быһаарыытынан, 2020 с. Москва куорат олохтооҕо тэриллиилээх бөлөҕү арыйбыт уонна куйаар ситимигэр маҕаһыыннарынан Москваҕа уонна Саха сиригэр наркотигынан эргиммит. 2020 сыллаахха тэриллибит бөлөх састаабыгар буруйдаахтар 2023 сылга киирбиттэр. Кинилэртэн биирдэстэрэ Москва куоракка олорон салайааччыттан улахан баартыйа наркотигы ылбыт, кыра бакыаттарга суулаабыт, ол кэннэ Дьокуускайга куоракка атыылыырга буруйдаахха тиксэрбит. Ол гынан, хара дьайыылара ситэ толоруллубатах – 14,5 киилэ наркотик былдьаммыт. Холуобунай дьыала суут көрүүтүгэр ыытыллыаҕа, оттон тэриллиилээх бөлөх атын чилиэттэригэр силиэстийэ салҕанар, диэн СӨ Борокуратууратын пресс-сулууспата иһитиннэрэр.