Дьокуускайга култуура сынньалаҥ паарката бэс ыйын 1 күнүгэр аһыллыаҕа

Бэс ыйын 1  күнүгэр Дьокуускайга култуура сынньалаҥ паарката аһыллыаҕа.  Бу туһунан Дьокуускай куорат баһылыга Евгений Григорьев «Россия 24 ханаалга» быһа эпиир кэмигэр иһитиннэрдэ.

— Бэс ыйын 1  күнүгэр диэри паарка атракционнарыгар ыытылла турар тиэхиньиичэскэй бары өрөмүөн үлэлэр түмүктэниэхтэрэ. Ону сэргэ Комсомольскай болуоссакка  ыытылла турар өрөмүөн эмиэ сотору кэминэн түмүктэниэҕэ, — диэн кини иһитиннэрдэ.

Бэлиэтээн суруйдахха, Комсомольскай болуоссакка  «Азия оҕолоро» оонньуулар кыайыылаахтарын уонна призердарын наҕараадалааһын сиэрэ-туома ыытыллыаҕа. Ону сэргэ манна улахан кэнсиэрдэр, тэрээһиннэр ыытыллыахтара.