Хаартыска: СӨ Тутууга министиэристибэтин пресс-сулууспата.
Муус устар 17 күнүгэр тутуу миниистирэ Виктор Романов киин куоракка куортамҥа бэриллиэхтээх икки дьиэ тутуутун — «Сосновай Бор» уонна «BILIBINO» комплекстарга үлэ хайдах бара турарын көрдө.
Икки дьиэ “УИФУО чэпчэки сыаналаах куортам дьиэтэ” диэн федеральнай бырагыраама чэрчитинэн тутулла тураллар.
«Сосновай бор» комплекска монолитнай үлэлэр салҕаналлар. Эбийиэк 454 кыбартыыралаах буолуоҕа, ол онтон 283 кыбартыыра куортам пуондатыгар бэриллиэҕэ. Уунан хааччыйыы ситимнэригэр технологическай холбонууга сыһыаннаах боппуруостар бэлиэтэммиттэрэ — маны Дьокуускай куорат дьаһалтатын кытта бииргэ быһаара сылдьаллар.
111-с кыбартаалга баар «BILIBINO» эбийиэккэ тутуу бэлэмэ 65% куоһарар. Ис өттүн бүтэрии, инженернэй ситимнэри уонна лифт оборудованиетын туруоруу үлэтэ бара турар. Эбийиэккэ куортамҥа бэриллэр 141 кыбартыыра баар. Үлэ былаан быһыытынан барар.
«Чэпчэки сыаналаах куортам дьиэтэ» бырагыраама РФ Бэрэсидьиэнин сорудаҕынан исписэлиистэр, устудьуоннар уонна атын категориялаах дьон олороллоругар анаан олоххо киирэ турар. Уопсайа өрөспүүбүлүкэҕэ 1003 куортамҥа бэриллэр кыбартыыра тутуллуохтаах, диэн СӨ Тутууга министиэристибэтин пресс-сулууспата суруйар.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…