Хаартыска: киин куорат дьаһалтатын пресс- сулууспата
Дьокуускай куорат баһылыга Евгений Григорьев Аҕа дойду Улуу сэриитин бэтэрээнэ Мартын Григорьевка Кыайыы 80 сылыгар үбүлүөйдээх мэтээли туттарда.
Бэтэрээн зенитнэй артиллерияҕа сулууспалаабыта уонна милитаристскай Японияны кытта бүтэһик кыргыһыытыгар кыттыбыта. Бу туһунан киин куорат дьаһалтатын пресс-сулууспата иһитиннэрэр.
Көрсүһүү кэмигэр Мартын Григорьев Аҕа дойду Улуу сэриитин кэмнэрин туһунан ахтан-санаа ааста. Кини аармыйаҕа сэттэ сыл устата сулууспалаабыт. Бэтэрээн этэринэн, сахалар былыр-былыргыттан булчуттарынан аатыраллара, онон өстөөҕү кытта кыргыһыыларга бу дьарыктара олус диэн туһалаабыт. Кинилэр көлүөнэлэрэ күүтүлээх Улуу Кыайыыны ситиспиттэрэ.
Ыччакка туһаайан Мартын Григорьев үөрэхтээһини уонна бэйэтин норуотугар итэҕэтии үрдүк суолталааҕын бэлиэтээтэ. Евгений Григорьев Аҕа дойду көмүскэлигэр, Улуу Кыайыыга тус кылаатын бэлиэтээн туран, Аҕа дойду Улуу сэриитин бэтэрээннэрэ эр санаалаахтарын, хорсуннарын, патриотизм холобурдарын көрдөрбүттэрин эттэ уонна истиҥ махталын биллэрдэ.
Мартын Герасимович Григорьев 1925 от ыйын 25 күнүгэр Сунтаар улууһун Кутана сэлиэнньэтигэр төрөөбүтэ. 1943 сыллаахха Забайкальскай уокурукка Маньчжурия илин кыраныыссатыгар сулууспалаабыта. Зенитнэй артиллерист буолан, старшай сержант дуоһунаһыгар тиийэ сулууспалаабыта уонна дойдутугар 1951 сыллаахха төннүбүтэ.
«1941-1945 сс. Аҕа дойду Улуу сэриитигэр Кыайыы 80 сыла» мэтээл дойду Бэрэсидьиэнин Ыйааҕынан 2024 сыл балаҕан ыйын 2 күнүттэн тэриллибитэ.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…