СИА хаартыската
Бүгүн Дьокуускайга Кыайыы болуоссатыгар Кыайыы Знамятын күөрэччи көтөҕүү сиэрэ-туома ыытылынна.
«Кыайыы Знамята» эстэпиэтэ ахсынньыга Сэбиэскэй Сойуус Дьоруойа Ф.К.Попов дойдутуттан — Мэҥэ Хаҥалас улууһуттан саҕаламмыта. Бу улахан эппиэтинэстээх тэрээһини СӨ Ил Дархана Айсен Николаев саҕалаабыта. Этиллибитин курдук, эстэпиэтэ бүгүн, ыам ыйын 8 күнүгэр, Дьокуускай куоракка үөрүүлээх быһыыга-майгыга түмүктэннэ.
«Дьокуускай куорат» стела таһыгар эстэпиэтэни Жатай баһылыгыттан Евгения Исаеваттан Дьокуускай куорат баһылыга Евгений Григорьев тутта. Мэр былааҕы анал массыынанан Кыайыы болуоссатыгар аҕалла. Онно Аҕа дойду уоттаах сэриитигэр Улуу Кыайыы 80 сылынан Кыайыы Знамятын күөрэччи көтөҕүү долгутуулаах, үөрүүлээх уонна эппиэтинэстээх тэрээһинэ буолла.
Евгений Григорьев Кыайыы Знамятын 14129-с чаас измерительнай пуунун отделениетын ыст. инженерэ, старшай лейтенант Алексей Трифонов салайааччылаах бөлөххө туттарда. Кыайыы Знамятын полковник, Саха сирин байыаннай комиссарын солбуйааччы Алексей Рыжавскай уонна 14129-с чаас измерительнай пуунун начаалынньыга, подполковник Владимир Леоненко Знамяны көтөхтүлэр.
Хас да ый устатыгар Кыайыы Знамятын өрөспүүбүлүкэ бары улуустарыгар, элбэх нэһилиэнньэлээх пууннарга сырытыннардылар. Эстэпиэтэ иитинэн сэлиэнньэлэргэ, бөһүөлэктэргэ, куораттарга көрсүһүүлэр, тэрээһиннэр, эр санаа уруоктара, кэнсиэрдэр, байыаннай-спортивнай тэрээһиннэр ыытылыннылар. Аахсыйа көлүөнэлэри түмтэ, сомоҕолоото, история туһунан дириҥ билиини-көрүүнү иҥэрдэ.
—Бу кэм устатыгар Кыайыы Знамята бары улуустарга сырытта. Саха сирин олохтоохторо бары, оҕотуттан ытык кырдьаҕаһыгар тиийэ тэрээһиннэргэ көхтөөхтүк кытыннылар. Бүгүн биһиги сүрүн сорукпут — дьоруойдар тустарынан үйэтитии уонна кинилэргэ сүгүрүйүү. Биһиги эйэлээх олох иһин кимиэхэ уонна тоҕо махтаныахтаахпытын, туох эбээһинэстээхпитин өйдүөх уонна сүгүрүйүөх тустаахпыт, — диэн СӨ Бырабыыталыстыбатын Бэрэссэдээтэлин солбуйааччы Георгий Степанов эттэ.
Сиһилии: https://www.sakha.gov.ru/news/4199 манна ааҕыаххха сөп.
СӨ Ил Дарханын уонна Бырабыыталыстыбатын пресс-сулууспата
СИА хаартыската
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…