Дьокуускайга кыбартыыра иһиттэн харчы уонна көмүс уорбуттар

ИДьМ сулууспатын киин куорат 3 №-дээх полициятын дьуһуурунай чааһыгар кыбартыыра иһиттэн 40 000 солк. уонна  140 000 солк. суумалаах көмүс киэргэллэри уорбуттарын туһунан дьахтар тыллаабыт.

Суһал-көрдүүр дьаһалларынан холуобунай ирдэбил үлэһиттэрэ уорбаланааччы лиичинэһин быһаардылар. Хара санаалаах урут сууттана сылдьыбыт 42 саастаах эр киһи буолара биллибит.

Силиэстийэ кэмигэр кыбартыыра иһигэр дьахтар уорбаланааччыны кытта арыгы испитэ быһаарылынна. Эр киһи дьахтар улаханнык итирбитин бэлиэтии көрөн, харчы уонна көмүс уорарга быһаарыммыт. Кыбартыыра иһиттэн харчыны, көмүс киэргэллэри тутан тахсыбыт. Уорбут көмүһү атыылаабыт, оттон харчыны бэйэтин наадатыгар туһаммыт. Уоруллубут сорох харчы төннөрүллүбүт. Холуобунай дьыала тэрилиннэ. Уорбаланааччы 5 сылга диэри болдьоххо көҥүлэ быһыллыан сөп, диэн ИДьМ пресс-сулууспата иһитиннэрэр.