Дьокуускайга Күөх хонууга киириигэ камера туруоруохтара

Дьокуускай куорат дьаһалтатын бүгүҥҥү  планеркатыгар куораттааҕы  айылҕа харыстабылын кэмитиэтэ Марат болуоссатын оройуонугар  кэтиир камераны туруорарга этии киллэрдэ.

Кинилэр этэллэринэн,  Күөх хонууга  араас дьон кирдээх хаары, бөҕү тоҕоллоро элбээбит. “Бу курдук быһыыланыыны тохтотор туһугар, буруйдаахтары эппиэккэ тардар сыаллаах, кэтиир камера туруоруллуохтаах”, — диэн эттэ Дьокуускайдааҕы айылҕа харыстабылын кэмитиэтин салайааччыта Кирилл Алчин.

Этиини куорат дьаһалтата сөптөөҕүнэн аахта, мунньах боротокуолугар киллэрдэ.